ശ്രീനഗര്‍|
Harikrishnan|
Last Modified ചൊവ്വ, 29 ഏപ്രില്‍ 2014 (13:48 IST)
ബുധനാഴ്ച നടക്കുന്ന മൂന്നാംഘട്ട തെരഞ്ഞെടുപ്പുമായി ബന്ധപ്പെട്ട് ജമ്മു കാശ്മീരില്‍ മുന്‍കരുതലെന്ന നിലയില്‍
അറുനൂറോളം പേരെ പൊലീസ് കരുതല്‍ തടങ്കലിലാക്കി. തെരഞ്ഞെടുപ്പിനെതിരെ പ്രചാരണം നടത്തുന്ന
വിഘടനവാദി നേതാക്കള്‍ വീട്ടുതടങ്കലിലാണ്.
ഹുറിയത്ത് നേതാക്കളായ സയിദ് അലിഷാ ഗീലാനി, ആയാസ് അക്ബര്‍, ഹുറിയത്ത് കോണ്‍ഫറന്‍സ് ചെയര്‍മാന്‍ മിര്‍വെയ്സ് ഉമര്‍ ഫറൂഖ്, ബിലാല്‍ ഗനി ലോണ്‍, അബ്ദുള്‍ഗനി ഭട്ട്, ജെകെഎല്‍എഫ് ചെയര്‍മാന്‍ യാസിന്‍ മാലിക്, ബഷീര്‍ അഹമ്മദ് ഭട്ട്, അഷ്റഫ് ബിന്‍ സലാം, ഷൗക്കത്ത് ബക്ഷി എന്നവര്‍ അറസ്റ്റ് ചെയ്യപ്പെട്ടവരില്‍ പെടും.
ഇനിയും മുന്നൂറോളം പേരെ കൂടി അറസ്റ്റ് ചെയ്യുമെന്ന് അധികൃതര്‍ അറിയിച്ചു. തെരഞ്ഞെടുപ്പ് ഒരു സൈനികാഭ്യാസമായി മാറിയിരിക്കുകയാണെന്നും ജനങ്ങള്‍ വോട്ടിംഗില്‍നിന്ന് മാറിനില്‍ക്കണമെന്നുമാണ് വിഘടനവാദികള്‍ആവശ്യപ്പെടുന്നത്.
