രാസവളത്തിനും ഇന്ധനത്തിനും വില വര്‍ദ്ധിപ്പിക്കാനുള്ള സര്‍ക്കാരിന്റെ നീക്കത്തിനെതിരെ ചൊവ്വാഴ്ച പ്രതിപക്ഷം പാര്‍ലമെന്റില്‍ ഖണ്ഡന പ്രമേയം കൊണ്ടുവരും. പ്രമേയം കൊണ്ടുവരുന്ന സാഹചര്യത്തില്‍, മായാവതി നയിക്കുന്ന ബി‌എസ്പി കേന്ദ്ര സര്‍ക്കാരിന് അനുകൂല നിലപാട് എടുക്കുമെന്ന് വ്യക്തമാക്കിയിട്ടുണ്ട്.
സഭയില്‍ ബി‌എസ്പിക്ക് 21 അംഗങ്ങളുടെ പിന്തുണയാണ് ഉള്ളത്. ഇടതുപക്ഷത്തിനൊപ്പം ഖണ്ഡന പ്രമേയം കൊണ്ടുവരുന്ന 13 കക്ഷികള്‍ക്കുമായി 87 പേരുടെ പിന്തുണയും പ്രമേയത്തെ അനുകൂലിക്കുന്ന എന്‍ഡി‌എയ്ക്ക് 151 പേരുടെ പിന്തുണയും ഉണ്ട്. സഭയിലുള്ള ഒമ്പത് സ്വതന്ത്രരില്‍ പലരും തങ്ങള്‍ക്കൊപ്പം നില്‍ക്കുമെന്നും യുപി‌എ നേതൃത്വം കണക്കുകൂട്ടുന്നു.
