ഡൽഹി: ഒറ്റദിവസം രാജ്യത്ത് കൊവിഡ് ബാധിച്ച് മരിച്ചത് 1,129 പേർ. ഒരു ദിവസം മരണം ആയിരം കടക്കുന്നത് ഇതാദ്യമായാണ്. ഇതോടെ രാജ്യത്ത് കൊവിഡ് ബാധിച്ച് മരിച്ചവരുടെ എണ്ണം 29,861 ആയി ഉയർന്നു. കഴിഞ്ഞ 24 മണീക്കൂറിനുള്ളിൽ 45,720 പേർക്കാണ് രാജ്യത്ത് കൊവിഡ് ബാധ സ്ഥിരീകരിച്ചത്. രാജ്യത്ത് ആകെ കൊവിഡ് ബാധിതരുടെ എണ്ണം 12 ലക്ഷം കടന്നു. 2,38,635 ആണ് രാജ്യത്ത് കൊവിഡ് ബാധിതരുടെ എണ്ണം.

4,26,167 പേരാണ് നിലവിൽ ആശുപത്രികളീൽ ചികിത്സയിലുള്ളത്. 7,82,606 പേർ രോഗമുക്തി നേടി. മഹരാഷ്ട്രയിൽ മാത്രം രോഗബാധ സ്ഥിരീകരിച്ചവരുടെ എണ്ണം 3,37,607 ആയി. 1,86,492 പേർക്കാണ് തമിഴ്നാട്ടിൽ രോഗബാധ സ്ഥിരീകരിച്ചത്. ഡൽഹിയിൽ 1,26,323 പേർക്കാണ് രോഗബാധ സ്ഥിരീകരിച്ചത്.