തമിഴ്നാട്ടിലെ മുഴുവൻ സർക്കാർ ജീവനക്കാരുടേയും ഒരു ദിവസത്തെ വേതനം മുഖ്യമന്ത്രിയുടെ ദുരിതാശ്വാസ നിധിയിലേക്ക്. അതായത് ഏകദേശം 200 കോടി രൂപയായിരിക്കും നൽകുക. തമിഴ്നാട് ഗവ. എംപ്ലോയീസ് അസോസിയേഷൻ (ടിഎൻജിഇഎ) സംസ്ഥാന സെക്രട്ടറി സി ആർ രാജ്കുമാർ ഇക്കാര്യം അറിയിച്ചത്.

ഈ മാസത്തെ ശമ്പളത്തിൽ നിന്നാണ് നൽകാൻ തീരുമാനം. ഇതിന് മുമ്പ് കേരളത്തിലേക്ക് ആവശ്യമായ സാധനങ്ങൾ തമിഴ്‌നാട്ടിൽ നിന്ന് കേരളത്തിലേക്ക് എത്തിച്ചിരുന്നു.

കേരളത്തിലെ ദുരിതബാധിതരെ സഹായിക്കാനായി 4000 കിലോ അരി, ആവശ്യമരുന്നുകൾ, കുട്ടികളുടെ ഉടുപ്പുകൾ, ബെഡ്ഷീറ്റ് തുടങ്ങിയ സാധനങ്ങളും ഇപ്പോൾ കേരളത്തിലേക്ക് അയച്ചു.