ഭൂമി തട്ടിപ്പ്​ കേസില്‍ ഉള്‍പ്പെട്ട കോൺഗ്രസ്​ അധ്യക്ഷ സോണിയ ഗാന്ധിയുടെ മരുമകൻ റോബർട്ട്​ വധേരയ്ക്ക് ക്ലീൻ ചിറ്റ്​ നൽകിയിട്ടില്ലെന്ന് രാജസ്ഥാൻ സര്‍ക്കാര്‍ വ്യക്തമാക്കി. വധേരയ്ക്ക്തിരെ അന്വേഷണം നടക്കുന്നുണ്ടെന്നും മറിച്ചുള്ള വാർത്തകളെല്ലാം തികച്ചും അടിസ്ഥാനരഹിതമാണെന്നും ബിക്കാനീർ പൊലീസും രാജസ്ഥാൻ സർക്കാറും അറിയിച്ചു.

വധേരയുടെ നേതൃത്വത്തിലുള്ള ഹൈലൈറ്റ്​ ഹോസ്​പിറ്റാലിറ്റി ബിക്കാനീറിൽ 69.55 ഹെക്​ടർ ഭൂമി തട്ടിയെടുത്തിരുന്നു. ഈ കേസിൽ വധേരയ്ക്ക് രാജസ്ഥാൻ സർക്കാർ ക്ലീറ്റ്​ ചിറ്റ്​ നൽകിയെന്ന്​ കഴിഞ്ഞ ദിവസം ചില മാധ്യമങ്ങൾ റിപ്പോർട്ട്​ ചെയ്​തിരുന്നു. ഈ റിപ്പോര്‍ട്ടിന്റെ അടിസ്ഥാനത്തിലാണ് അത്തരമൊരു നടപടി സര്‍ക്കാര്‍ സ്വീകരിച്ചിട്ടില്ലെന്ന്​ രാജസ്ഥാൻ ആഭ്യന്തര മന്ത്രി ഗുലാബ്​ ചന്ദ്​ കത്താരിയ അറിയിച്ചത്. ഇതിനെകുറിച്ചുള്ള അന്വേഷണം നടക്കുകയാണ്. കുറ്റപത്രം സമർപ്പിച്ചി​ട്ടില്ല. ഇത്തരം ഒരുഘട്ടത്തില്‍ എങ്ങിനെയാണ് ക്ലീൻ ചിറ്റ്​ നൽകിക്കൊണ്ട്​ റിപ്പോർട്ട്​ നൽകുകയെന്നും അ​ദ്ദേഹം ചോദിച്ചു.

2014 ൽ വസുന്ധര രാ​ജെ സർക്കാറിന്റെ ഭരണകാലത്തായിരുന്നു റോബർട്ട്​ വധേരയ്ക്കെതിരെ ഭൂമിതട്ടിപ്പിന്​ കേസെടുത്തത്​.