പ്രായപൂർത്തിയാകാത്ത സഹോദരിമാരെ മാസങ്ങളോളം ലൈംഗീകമായി പീഡിപ്പിച്ച യുവാവിനെ പൊലീസ് അറസ്‌റ്റ് ചെയ്‌തു. പതിമൂന്നും പതിനേഴും പ്രായമുള്ള സഹോദരിമാരെ ഇയാള്‍ മാസങ്ങളായി പീഡിപ്പിച്ചു.

17കാരിയായ മൂത്ത സഹോദരിയെ ലൈംഗീകമായി ഉപയോഗിച്ച യുവാവ് പിന്നീട് ഇളയ സഹോദരിയേയും പീഡിപ്പിക്കുകയായിരുന്നു. പീഡനം പതിവായെങ്കിലും ഭയം മൂലമാണ് വിവരം പെണ്‍കുട്ടികള്‍ പുറത്ത് പറയാതിരുന്നത്.

വീട്ടില്‍ നിന്ന് പുറത്താക്കുമെന്ന് ഭീഷണിപ്പെടുത്തിയാണ് പീഡനം തുടര്‍ന്നത്. പീഡനം രൂക്ഷമായതോടെ ഇളയ പെണ്‍കുട്ടി വിവരം പുറത്തു പറയുകയും തുടര്‍ന്ന് പൊലീസ് ഇടപെട്ട് അറസ്‌റ്റ് രേഖപ്പെടുത്തുകയുമായിരുന്നു.

പിതാവിന്റെ മരണത്തിന് ശേഷം ഒരു ട്രാൻസ് പോർട്ട് കമ്പനിയിൽ പണം പിരിക്കുന്ന ജോലി നോക്കിയിരുന്ന യുവാവാണ് കുടുംബത്തിന് താങ്ങായിരുന്നത്. ഇവരുടെ അമ്മ കാൻസർ രോഗിയാണ്.