രാജ്യത്തെ ഞെട്ടിച്ച രാജീവ് ഗാന്ധി വധക്കേസ് പ്രതി പേരറിവാളന് ഒരു മാസം പരോൾ. 26 വർഷം ജയിലിൽ പൂർത്തിയായതിനു ശേഷമാണ്
തമിഴ്നാട് സർക്കാർ പരോൾ അനുവദിച്ചിരിക്കുന്നത്. കേസുമായി ബന്ധപ്പെട്ട്​ 1991മുതൽ ജയിലിലായിരുന്നു പേരറിവാളന്‍.

പേരറിവാളന്റെ അമ്മ അർപുതമ്മാളാണ് മകന്റെ പരോളിനായി അപേക്ഷ നൽകിയത്. 46കാരനായ പേരറിവാളൻ വെല്ലുർ ​ജയിലിലാണ്​ ശിക്ഷയനുഭവിക്കുന്നത്​.

നേരത്തെ, പേരറിവാളിന്റെ പരോൾ വിഷയം നിയമസഭയിൽ ഉയർത്തുന്നതിന് അണ്ണാ ഡിഎംകെ സഖ്യകക്ഷി എംഎൽഎമാർ പ്രതിപക്ഷ നേതാവ് എംകെ സ്റ്റാലിന്റെ പിന്തുണ തേടിയിരുന്നു. 2014ൽ പേരറിവാള​​​​​​ന്റെ വധശിക്ഷ സുപ്രീംകോടതി ജീവപര്യന്തമാക്കി കുറച്ചിരുന്നു.