ചെന്നൈ|
Last Modified ചൊവ്വ, 6 ഡിസം‌ബര്‍ 2016 (18:10 IST)
അന്തരിച്ച തമിഴ്നാട് മുഖ്യമന്ത്രി ജെ ജയലളിതയ്ക്ക് സംസ്ഥാന മുഖ്യമന്ത്രി പിണറായി വിജയന്‍ അന്തിമോപചാരം അര്‍പ്പിച്ചു. മൃതദേഹം പൊതുദര്‍ശനത്തിനു വെച്ച രാജാജി ഹാളില്‍ എത്തിയാണ് പിണറായി വിജയന്‍ അന്തിമോപചാരം അര്‍പ്പിച്ചത്.
പിണറായി വിജയനെ കൂടാതെ സംസ്ഥാന ഗവര്‍ണര്‍ പി സദാശിവവും പ്രതിപക്ഷനേതാവ് രമേശ് ചെന്നിത്തലയും മുന്‍ മുഖ്യമന്ത്രി ഉമ്മന്‍ ചാണ്ടിയും അന്തിമോപചാരം അര്‍പ്പിച്ചു. ഒഡിഷ മുഖ്യമന്ത്രി നവീന്‍ പട്‌നായിക്, ആന്ധ്രപ്രദേശ് മുഖ്യമന്ത്രി ചന്ദ്രബാബു നായിഡു, കര്‍ണാടക മുഖ്യമന്ത്രി സിദ്ധരാമയ്യ എന്നിവരും ആദരാഞ്ജലി അര്‍പ്പിച്ചിരുന്നു.
