Widgets Magazine

അംബേദ്‌കര്‍ ഉണ്ടായിരുന്നെങ്കില്‍ സാമ്പത്തിക സംവരണത്തെ പിന്തുണയ്ക്കുമായിരുന്നു: മോദി

Opposition, government, BJP, Narendra Modi, Amit Shah, നരേന്ദ്രമോദി, അമിത് ഷാ, ബി ജെ പി
ന്യൂഡൽഹി| Last Modified ശനി, 12 ജനുവരി 2019 (18:21 IST)
അംബേദ്കർ ഉണ്ടായിരുന്നെങ്കിൽ ഇപ്പോള്‍ കൊണ്ടുവന്ന 10 ശതമാനം സാമ്പത്തിക സംവരണം എന്ന ആശയത്തെ ശക്തമായി പിന്തുണയ്ക്കുമായിരുന്നു എന്ന് പ്രധാനമന്ത്രി നരേന്ദ്രമോദി. നിലവിലെ സംവരണത്തെ തൊടാതെ അധികമായി 10 ശതമാനം സംവരണം കൊണ്ടുവന്നിരിക്കുകയാണ്. ഇത് യഥാര്‍ത്ഥത്തിൽ യുവാക്കൾക്കു പുതിയ മാനം നൽകുന്നതാണ് - പ്രധാനമന്ത്രി പറഞ്ഞു.

സാമ്പത്തിക സംവരണത്തേക്കുറിച്ച് ചിലർ തെറ്റിദ്ധാരണ സൃഷ്ടിക്കാൻ ശ്രമിക്കുകയാണ്. അവരെ പരാജയപ്പെടുത്തണം. യുവാക്കൾക്കും വനിതകൾക്കും അവരുടെ കഴിവ് തെളിയിക്കാൻ ഈ സർക്കാർ അവസരമൊരുക്കും -
ബിജെപി ദേശീയ കൗൺസിൽ യോഗത്തെ അഭിസംബോധന ചെയ്ത് സംസാരിക്കുകയായിരുന്നു നരേന്ദ്രമോദി.

ജനാധിപത്യവും രാജവാഴ്ചയിൽ വിശ്വസിക്കുന്നവരും തമ്മിലുള്ള യുദ്ധമാണ് ഇപ്പോള്‍ രാജ്യത്ത് നടക്കുന്നത്. നിങ്ങളുടെ പണം മോഷ്ടിച്ചയാളെ വീട്ടിൽ വീണ്ടും ജോലിക്കു നിർത്തുമോ എന്നതുപോലെയാണ് കാര്യം. രാജ്യത്തിന്റെ പണം ഊറ്റിയെടുത്തവരെ രാജ്യസേവകരാക്കണോ? അത് തീരുമാനിക്കേണ്ടത് ജനമാണ്. സ്വാതന്ത്യത്തിനുശേഷം സർദാർ വല്ലഭായി പട്ടേൽ ആദ്യ പ്രധാനമന്ത്രി ആയിരുന്നുവെങ്കിൽ രാജ്യത്തിന്റെ ചിത്രം മറ്റൊന്നാവുമായിരുന്നു എന്നും മോദി പറഞ്ഞു.
ഊർജത്തിന്റെ ഉറവിടങ്ങളാണ് കർഷകർ. സത്യസന്ധമായ നടപടികളാണ് അവരുടെ ഉന്നമനത്തിനായി സ്വീകരിച്ചത്. കർഷകരുടെ വർഷങ്ങളായുള്ള ആവശ്യങ്ങൾ യാഥാർഥ്യമാക്കിയത് ഈ സർക്കാരാണ്. എന്നാല്‍ വോട്ടുബാങ്കായാണ് മുൻ സർക്കാർ കർഷകരെ കണക്കാക്കിയത്. മുൻ സർക്കാരിന്റെ തെറ്റുകളെ മായ്ച്ചുകളയാന്‍ നമുക്ക് കഴിയില്ല - നരേന്ദ്രമോദി വ്യക്തമാക്കി.


ഇതിനെക്കുറിച്ച് കൂടുതല്‍ വായിക്കുക :