മധ്യപ്രദേശിൽ വോട്ടെടുപ്പിനിടെ മൂന്ന് പോളിങ് ഉദ്യോഗസ്ഥർ കുഴഞ്ഞു വീണു മരിച്ചു. ഗുണയില്‍ ഒരു തെരഞ്ഞെടുപ്പു കമ്മീഷന്‍ ഉദ്യോഗസ്ഥനും ഇന്‍ഡോറില്‍ രണ്ടുപേരുമാണ് മരിച്ചത്. ഹൃദയാഘാതമാണ് മരണകാരണമെന്നാണ് റിപ്പോര്‍ട്ട്.

ഗുണയിൽ സ്‌പെഷ്യല്‍ പൊലീസ് ഓഫീസറായി എത്തിയ ബാതം ആണ് ആദ്യം മരണപ്പെട്ടത്. വോട്ടെടുപ്പിന് മുമ്പു തന്നെ ഇയാള്‍ക്ക് ആരോഗ്യപരമായ അസ്വസ്ഥതകള്‍ ഉണ്ടായിരുന്നെന്നാണ് റിപ്പോര്‍ട്ട്. മരണപ്പെട്ട ഓരോ ഉദ്യോഗസ്ഥരുടെ കുടുംബത്തിനും പത്തുലക്ഷം വീതം നഷ്ടപരിഹാരമായി നല്‍കുമെന്ന് തെരഞ്ഞെടുപ്പു കമ്മീഷന്‍ പ്രഖ്യാപിച്ചു.