മൊത്തവില സൂചിക അടിസ്ഥാനമാക്കിയുള്ള ജൂണിലെ പണപ്പെരുപ്പ നിരക്ക് നെഗറ്റീവ് ശതമാനത്തില്‍ തുടരുന്നു. ക്രൂഡ് ഓയില്‍ ഉള്‍പ്പടെയുള്ള കമ്മോഡിറ്റികളുടെ വിലക്കുറവാണ് നിരക്ക് കുറയാനിടയാക്കിയത്. തുടര്‍ച്ചയായി എട്ടാമത്തെ മാസമാണ് മൊത്തവില സൂചിക അടിസ്ഥാനമാക്കിയുള്ള പണപ്പെരുപ്പം നെഗറ്റീവ് ശതമാനത്തില്‍ തുടരുന്നത്.

മെയ് മാസത്തില്‍ -2.36 ശതമാനമായിരുന്ന നിരക്കാണ് ജൂണില്‍ -2.40 ശതമാനമായത്. കഴിഞ്ഞവര്‍ഷം ഈ കാലയളവില്‍ 5.66 ശതമാനമായിരുന്നു നിരക്ക്. അതേസമയം, പയറ് വര്‍ഗങ്ങള്‍, ഉരുളക്കിഴങ്ങ്, ഉള്ളി എന്നിവയുടെ വിലയില്‍ വര്‍ധനവ് രേഖപ്പെടുത്തി. മെയ് മാസത്തെ അപേക്ഷിച്ച് പയറ് വര്‍ഗങ്ങളുടെ വിലക്കയറ്റം 22.84ല്‍നിന്ന് 33.67 ശതമാനമായി. ഉരുളക്കിഴങ്ങിന്റേത് 52.40 ശതമാനവും ഉള്ളിയുടേത് 19 ശതമാനവുമാണ് വിലക്കയറ്റത്തോത്.