‘ജീവിതം: നിഗൂഢമായ ഒരു യാത്ര’ - സമാധാനത്തിനും ശാക്തീകരണത്തിനുമായി 500 വനിതാ നേതാക്കളുടെ സമ്മേളനം

ബംഗലൂരു, ചൊവ്വ, 20 ഫെബ്രുവരി 2018 (20:10 IST)

Life: A Mystical Journey, Women Leaders, Spirituality, ജീവിതം: നിഗൂഢമായ ഒരു യാത്ര, ഐ ഡബ്ല്യു സി, റാണി മുഖര്‍ജി

എട്ടാമത് അന്താരാഷ്ട്ര വനിതാ കോണ്‍ഫറന്‍സില്‍ (ഐ ഡബ്ല്യു സി) വിവിധ മേഖലകളില്‍ നേട്ടം കൈവരിച്ച 500ലധികം വനിതകള്‍ പങ്കെടുക്കും. ‘ജീവിതം: നിഗൂഢമായ ഒരു യാത്ര’ എന്ന് പേരിട്ട കോണ്‍ഫറന്‍സ് ഫെബ്രുവരി 23 മുതല്‍ 25 വരെ ബംഗലൂരുവിലെ ആര്‍ട്ട് ഓഫ് ലിവിങ് ഇന്‍റര്‍നാഷണല്‍ സെന്‍ററിലാണ് നടക്കുന്നത്.
 
വ്യക്തിപരമായ മുന്നേറ്റവും കൂട്ടായ പ്രവര്‍ത്തനവും എന്നിങ്ങനെ രണ്ട് അനുപമമായ ലക്‍ഷ്യങ്ങളാണ് ഐ ഡബ്ല്യു സിയ്ക്ക് ഉള്ളത്. ലോകമെമ്പാടുമുള്ള വനിതാ നേതാക്കള്‍ക്കിടയില്‍ പങ്കാളിത്തം സൃഷ്ടിക്കുകയും നേതൃത്വശേഷിയുടെ വികസനവുമാണ് പ്രധാനമായും നടക്കുന്നത്.
 
സ്റ്റേറ്റ് ബാങ്ക് ഓഫ് ഇന്ത്യയുടെ മുന്‍ ചെയര്‍മാന്‍ അരുന്ധതി ഭട്ടാചാര്യ, മന്‍ ദേശി ബാങ്കിന്‍റെയും ഫൌണ്ടേഷന്‍റെയും സ്ഥാപക ചെയര്‍പേഴ്സണായ ചേതന ഗാല സിന്‍‌ഹ, നടി റാണി മുഖര്‍ജി, പരിസ്ഥിതി പ്രവര്‍ത്തക വന്ദന ശിവ, നടി മധൂ ഷാ, ഗോവ ഗവര്‍ണര്‍ മൃദുല സിന്‍‌ഹ, സൈദ്ധാന്തിക ഊര്‍ജ്ജതന്ത്രജ്ഞ അഡ്രിയാന മറൈസ്, പ്രൊഫസര്‍ മൈത്രി വിക്രമസിംഗെ തുടങ്ങിയവര്‍ വനിത കോണ്‍ഫറന്‍സിലെ പ്രധാനികളാണ്.
 
“ഈ കോണ്‍ഫറന്‍സ് സമാധാനത്തിന്‍റെയും ഐക്യത്തിന്‍റെയും സന്ദേശം പകരുന്നതാണ്. അക്രമരഹിതവും സംഘര്‍ഷമില്ലാത്തതുമായ ഒരു സമൂഹത്തിനായി വനിതകള്‍ക്ക് ഒന്നിച്ച് പ്രവര്‍ത്തിക്കാം” - ഐ ഡബ്ല്യു സിയുടെ ചെയര്‍ പേഴ്സണായ ഭാനുമതി നരസിംഹന്‍ പറഞ്ഞു.
Life: A Mystical Journey, Women Leaders, Spirituality, ജീവിതം: നിഗൂഢമായ ഒരു യാത്ര, ഐ ഡബ്ല്യു സി, റാണി മുഖര്‍ജി
 
ഒരു സമൂഹത്തിന്‍റെ വികസനത്തിന് വനിതകളുടെ പങ്കാളിത്തം എന്നത് സുപ്രധാനമായ കാര്യമാണെന്ന് ആര്‍ട്ട് ഓഫ് ലിവിങിന്‍റെ സ്ഥാപകനായ ശ്രീ ശ്രീ രവിശങ്കര്‍ വ്യക്തമാക്കി. 2015 മുതല്‍ ആരംഭിച്ച ഈ കോണ്‍ഫറന്‍സില്‍ 5500 ഡെലിഗേറ്റുകളും 375 പ്രഭാഷകരും പങ്കെടുത്തിട്ടുണ്ട്. 
 
തുറന്ന പ്രദേശത്തെ മലവിസര്‍ജ്ജനം ഇല്ലാത്ത ഇന്ത്യയെ സൃഷ്ടിക്കുക എന്നതും ഈ വര്‍ഷത്തെ കോണ്‍ഫറന്‍സ് ല‌ക്‍ഷ്യമിടുന്ന പ്രധാന കാര്യമാണ്. ആദ്യഘട്ടത്തില്‍ ഇതുസംബന്ധിച്ച ബോധവത്കരണം നടത്തുകയും രണ്ടാം ഘട്ടത്തില്‍ 4000 ടോയ്‌ലറ്റുകള്‍ സൃഷ്ടിക്കുകയുമാണ് പദ്ധതി.



ഇതിനെക്കുറിച്ച് കൂടുതല്‍ വായിക്കുക :  

വാര്‍ത്ത

news

മാണി വന്നാല്‍ ഇടതുമുന്നണിയുടെ ജനകീയ അടിത്തറ വലുതാകും: ഇ പി ജയരാജന്‍

കെ എം മാണിയും അദ്ദേഹത്തിന്‍റെ പാര്‍ട്ടിയും ഇടതുമുന്നണിയിലെത്തിയാല്‍ അത് എല്‍ ഡി എഫിന്‍റെ ...

news

മാതാപിതാക്കളില്‍ നിന്ന് നേരിടേണ്ടിവന്നത് കടുത്ത പീഡനം, താന്‍ കൊല്ലപ്പെട്ടേക്കാമെന്ന് രാഹുല്‍ ഈശ്വറിനോട് പറഞ്ഞു: ഹാദിയ

ഹൈക്കോടതി വിധിയെ തുടര്‍ന്ന് വീട്ടിലേക്ക് താമസം മാറ്റിയ ശേഷം മാതാപിതാക്കളില്‍ നിന്ന് ...

news

പാര്‍ട്ടി പ്രഖ്യാപനത്തിന് മുമ്പെ തുറന്നടിച്ച് ഉലകനായകന്‍; എഐഎഡിഎംകെ മോശം പാർട്ടി

തമിഴ്‌ രാഷ്‌ട്രീയത്തില്‍ പുതിയ ലക്ഷ്യം പ്രഖ്യാപിച്ച നടന്‍ കമലഹാസന്‍ ഭരണകക്ഷിയായ അണ്ണാ ...

news

‘ഞാന്‍ മരിക്കുമെന്നതില്‍ സംശയമില്ല, അതിനാല്‍ നിന്നേയും കൊന്നേക്കാം’; യുവാവ് സഹയാത്രക്കാരനെ ട്രെയിനിൽ നിന്ന് തള്ളിയിട്ടു കൊന്നു

ഓടിക്കൊണ്ടിരുന്ന ട്രെയിനില്‍ നിന്ന് സഹയാത്രികനെ യുവാവ് തള്ളിയിട്ടു കൊന്നു. റിതേഷ് (23) ...

Widgets Magazine