ശ്രീനു എസ്|
Last Updated:
ബുധന്‍, 28 ഒക്‌ടോബര്‍ 2020 (09:35 IST)
ഐപിഎല്‍ ചരിത്രത്തില്‍ ആദ്യമായി ചെന്നൈ പ്ലേ ഓഫ് കാണാതെ പുറത്താകുന്നത്. ഇതോടൊപ്പം തന്നെ നായകന്‍ ധോണിയുടെ കാര്യത്തില്‍ പുതിയ തീരുമാനവുമായി മുന്നോട്ട് വന്നിരിക്കുകയാണ് ചെന്നൈ ടീം. അടുത്ത ഐപിഎല്‍ സീസണിലും ധോണിതന്നെ നായകനാകുമെന്ന് ചെന്നൈ സൂപ്പര്‍ കിങ്‌സ് സിഇഒ കാശി വിശ്വനാഥന്‍ പറഞ്ഞു.
ധോണിയുടെ നേതൃത്വത്തില്‍ തന്നെ 2018ല്‍ ചെന്നൈ കിരീടം നേടുകയും 2019ല്‍ ഫൈനലില്‍ അവസാന പന്തിലാണ് പരാജയപ്പെട്ടതും. എന്നാല്‍ ഇപ്രാവശ്യം ടീമിന് തിരച്ചടികള്‍ ഉണ്ടെന്ന് നേരത്തേ തന്നെ അറിയാമായിരുന്നു. സുരേഷ് റെയ്‌നയുടെ പിന്മാറ്റവും താരങ്ങളുടെ പ്രായവും കൊവിഡ് ബാധയുമെല്ലാം തിരിച്ചടിയായെന്ന് സിഇഒ പറഞ്ഞു.
