‘ഏത് നിമിഷവും പ്രസവിക്കാം, കടത്തിവിടണം’- ഇൻഷയുടെ ദയനീയ സ്വരം പക്ഷേ കശ്മീരിലെ സൈനികർ ചെവികൊണ്ടില്ല !

Last Updated: ബുധന്‍, 14 ഓഗസ്റ്റ് 2019 (14:47 IST)
ഇൻഷാ അഷറഫ്​ എന്ന 26 കാരിയിലൂടെയാണ് കശ്മീരിലേക്ക് മിഴികളൂന്നുന്നത്. കശ്മീരിന്റെ ഇപ്പോഴത്തെ നേർ ചിത്രമാണ് ഇൻഷായിലൂടെ ലോകം കാണുന്നത്. കശ്മീരിന്റെ ഇപ്പോഴത്തെ അവസ്ഥ എത്രമാത്രം ഗുരുതരമാണെന്ന് ഇൻഷായുടെ വാക്കുകളിലുണ്ട്, അവരുടെ കഷ്ടപ്പാടിലുണ്ട്, വേദനയിലുണ്ട്.

‘ഞാനിപ്പോൾ പ്രസവിച്ചുപോകുമെന്നും ഒരടിപോലും നടക്കാനാവില്ലെന്നും പറഞ്ഞിട്ടും അവരെന്നെ ആ ഓട്ടോറിക്ഷയിൽ പോകാൻ അനുവദിച്ചില്ല...’ - ഇൻഷായുടെ വാക്കുകൾ പെല്ലറ്റ് പോലെയാണ് ഓരോ ഇന്ത്യാക്കാരന്റേയും കാതുകളിലേക്ക് തുളച്ച് കയറുന്നത്.

ശ്രീനഗറിന്​ പുറത്തുള്ള ബെമിനയയിലാണ് ഇൻഷയുടെ വീട്​. പൂർണഗർഭിണിയായ ഇൻഷയ്ക്ക് ഏഴ് കിലോ മീറ്റർ അകലെയുള്ള ലാൽ ഡെഡ്​ആശുപത്രിയിലേക്കാണ് പോകേണ്ടത്. വെളുപ്പിന് അഞ്ചരയോടെ പ്രസവത്തിന്റെ എല്ലാ ലക്ഷണങ്ങളും ഇൻഷയിൽ അനുഭവപ്പെട്ടു. ഏതൊക്കെയോ ഉറവകളിൽനിന്ന് വെള്ളം പോയി തുടങ്ങിയത് ഇൻഷ അറിഞ്ഞു.

ഇൻഷയുടെ ഉമ്മ മുബീന അനിയത്തി നിഷയെയയും കൂട്ടി അയൽവാസിയായ ഓട്ടോറിക്ഷക്കാരനെ സമീപിച്ചു. തെരുവിൽ അപ്പോഴും സൈനികർ റോന്തു ചുറ്റുന്നുണ്ട്. എന്നിട്ടും 7 കിലോമീറ്റർ അകലെയുള്ള ആശുപത്രിയിലേക്ക് വണ്ടി ഓടിക്കാൻ ആ ഡ്രൈവർ തയ്യാറായി. എപ്പോൾ വേണമെങ്കിലും പ്രസവിച്ചേക്കാം എന്ന അവസ്ഥയിലായി കാര്യങ്ങൾ.

എന്നാൽ, വീട്ടിൽ നിന്നും അധികം ദൂരമൊന്നും എത്തിയില്ല. മിനിറ്റുകൾക്കുള്ളിൽ സൈനികർ വാഹനം തടഞ്ഞു. മുന്നോട്ട് വാഹനം കടത്തിവിടില്ലെന്ന് വാശി പിടിച്ചു. ഒരു വാഹനവും കടത്തിവിടരുതെന്നാണ് മുകളിൽ നിന്നുള്ള ഓർഡറെന്ന് അവർ പറഞ്ഞു. ‘ഞാനൊരു ഗർഭിണിയാണ്​... ഏത്​ നിമിഷവും പ്രസവിച്ചുപോകും. ദയവായി കടത്തിവിടണം...’ ഇൻഷ അവരോട്​ കെഞ്ചിനോക്കി. പക്ഷേ, ഒരലിവുമില്ലാത്ത നിയമം അവർക്കു മുന്നിൽ വഴി മുടക്കി. തെരുവിൽ നിസഹായയായി ഇൻഷയും അമ്മയും സഹോദരിയും. എന്തു ചെയ്യണമെന്നറിയാതെ കൂടെ പോയ ഓട്ടോ ഡ്രൈവറും.

വാഹനം കടത്തിവിടില്ലെന്നേ സൈനികർ പറഞ്ഞുള്ളു, ഒരു ദയ അവർ ഇൻഷയോട് കാണിച്ചു. ‘വേണമെങ്കിൽ നടന്ന് പോകാം’. എത്ര ദൂരമാണെന്നത് ആലോചിക്കണം. 6 കിലോമീറ്ററിലധികമുണ്ട് ഇനിയും സഞ്ചരിക്കാൻ. പക്ഷേ, അവർക്ക് മുന്നിൽ മറ്റ് വഴികളൊന്നുമുണ്ടായിരുന്നില്ല. ഇൻഷയേയും താങ്ങിപ്പിടിച്ച് അമ്മയും സഹോദരിയും മുന്നോട്ട് നടന്നു.

ഓരോ 500 മീറ്ററിലും സ്ഥാപിച്ചിരിക്കുന്ന ചെക്പോസ്റ്റുകളിൽ സൈനികൾ അവരെ തടഞ്ഞു. അവരോടെല്ലാം ഇൻഷ ആവർത്തിച്ച് കൊണ്ടെയിരുന്നു. ഓരോ ചെക്പോസ്റ്ററുകളിലും നഷ്ടമായത് വിലപ്പെട്ട നിമിഷങ്ങളായിരുന്നു.

ഒടുവിൽ, ആശുപത്രിക്ക്​ അര കിലോമീറ്റർ അപ്പുറത്ത്​ഇനിയൊരടി വെക്കാനാവാതെ അവൾ കുഴഞ്ഞുനിന്നു. പ്രസവം ഏതാണ്ട്​ ഉറപ്പായി. 6 കിലോമീറ്ററോളം ഇൻഷ തെരുവിലൂടെ നടന്നതിന്റെ ക്ഷീണം അവളെ തളർത്തിയിരുന്നു. തൊട്ടടുത്ത്​ഒരു സ്വകാര്യ ആശുപത്രി ഉണ്ടായിരുന്നത് അവർക്ക് രക്ഷയായി.

ആശുപത്രിക്കകത്തേക്ക് പ്രവേശിപ്പിച്ച് നിമിഷങ്ങൾക്കുള്ളിൽ ഇൻഷ ഒരു പെൺകുഞ്ഞിന് ജന്മം നൽകി. എന്നാൽ, ആ കുഞ്ഞിനെ പുതപ്പിക്കാൻ ഒരു കഷണം തുണി പോലും അവരുടെ കൈയ്യിൽ ഉണ്ടായിരുന്നില്ല. കാരണം, അടുത്തുള്ള ഒരു കടകൾ പോലും തുറന്നിരുന്നില്ല. അത്രമേൽ നിശബ്ദമായിരുന്നു കടന്നു വന്നിരുന്ന ഓരോ തെരുവുകളും. ആശുപത്രികളിലും ഒന്നുമുണ്ടായിരുന്നില്ല. എല്ലാം തീർന്നു പോയിരുന്നു.

‘ഒരു കഷണം തുണിയുടെ പോലും താങ്ങില്ലാതെയായിരുന്നു എന്റെ പേരക്കുഞ്ഞിനെ അവർ എന്റെ കൈയിലേക്ക്​ തന്നത്​. എന്റെ സ്കാർഫ്​കൊണ്ട്​ഞാനവളെ മാറോടടുക്കിപ്പിടിച്ചു...’ ഇൻഷയുടെ അമ്മ മുബീന പിന്നീട്​അതേക്കുറിച്ചു പറഞ്ഞു.

കുഞ്ഞുണ്ടായ വിവരം ഇൻഷയുടെ ഭർത്താവ്​ഇർഫാൻ അഹമ്മദ്​ഇതുവരെ അറിഞ്ഞിട്ടില്ല. കാരണം, അവിടെ ഫോൺ നിശബ്ദമായിട്ട് നാളുകളായി. എവിടെയോ കുടുങ്ങിക്കിടക്കുകയാണ് അദ്ദേഹം. മറ്റുള്ളവരുമായി ആശയവിനിമയം നടത്താൻ ഒരു മാർഗം പോലും അവർക്ക് മുന്നിലില്ല.

ഇൻഷയെപ്പോലെ കശ്​മീരിലെ അനേകം അമ്മമാരുടെ ദുരവസ്ഥ കശ്​മീരിൽ നിന്നുള്ള അന്താരാഷ്​ട്ര മാധ്യമ പ്രവർത്തകൻ സുബൈർ സോഫിയെ ഉദ്ധരിച്ച് ‘ദ വയർ.ഇൻ’ ആണ്​ റിപ്പോർട്ട്​ ചെയ്യുന്നത്​.

സാധാരണ മനുഷ്യരുടെ പോലും സഞ്ചാര സ്വാതന്ത്ര്യം വിലക്കി കൂച്ചുവിലങ്ങിട്ടിരിക്കുന്ന കശ്മീരിന്റെ അവസ്ഥയാണ് ഈ ദേശീയ മാധ്യമം തുറന്നു കാണിക്കുന്നത്.

കടപ്പാട്​: ദ വയര്‍ ഡോട്ട് ഇന്‍



ഇതിനെക്കുറിച്ച് കൂടുതല്‍ വായിക്കുക :

ജനിക്കുന്നവര്‍ മാത്രമല്ലല്ലോ മരിക്കുന്നവരും കുറവല്ലെ, ...

ജനിക്കുന്നവര്‍ മാത്രമല്ലല്ലോ മരിക്കുന്നവരും കുറവല്ലെ, പെന്‍ഷന്‍ കൊടുക്കാതിരിക്കാന്‍ പറ്റുമോ?, വിവാദമായി മന്ത്രി സജി ചെറിയാന്റെ പരാമര്‍ശം
പെന്‍ഷന്‍ പറ്റുന്ന ലക്ഷക്കണക്കിനാളുകള്‍ കേരളത്തിലുണ്ട്. മരണസംഖ്യ വളരെ കുറവാണ്. എല്ലാവരും ...

'3500 ഓളം കുറ്റവാളികളിൽ നിന്നാണ് ആര്യനെ ഞാൻ ...

'3500 ഓളം കുറ്റവാളികളിൽ നിന്നാണ് ആര്യനെ ഞാൻ രക്ഷപ്പെടുത്തിയത്': വെളിപ്പെടുത്തി നടന്‍ അജാസ് ഖാന്‍
2021 ലായിരുന്നു സംഭവം.

കാലാവസ്ഥയിൽ മാറ്റം; ശക്തമായ മഴയ്ക്കും കാറ്റിനും സാധ്യത, ...

കാലാവസ്ഥയിൽ മാറ്റം; ശക്തമായ മഴയ്ക്കും കാറ്റിനും സാധ്യത, രണ്ട് ജില്ലകളിൽ യെല്ലോ അലർട്ട്
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്

പ്രായമായ സ്ത്രീകളെ വരെ ബെഡ്‌റൂമിൽ കയറ്റി വാതിലടക്കും, ...

പ്രായമായ സ്ത്രീകളെ വരെ ബെഡ്‌റൂമിൽ കയറ്റി വാതിലടക്കും, ചോദിച്ചാൽ അമ്മയെ പോലെ എന്ന് പറയും: ബാലയ്‌ക്കെതിരെ എലിസബത്ത് ഉദയൻ
നടൻ ബാലയ്‌ക്കെതിരെ വീണ്ടും ആരോപണങ്ങളുമായി മുൻഭാര്യ എലിസബത്ത് ഉദയൻ. തന്നെ വിവാഹം ...

കരളില്‍ നീര്‍ക്കെട്ടുണ്ടാക്കുന്ന എബിസി ജ്യൂസ്; അമിതമായി ...

കരളില്‍ നീര്‍ക്കെട്ടുണ്ടാക്കുന്ന എബിസി ജ്യൂസ്; അമിതമായി കുടിക്കരുത്
ആപ്പിള്‍, ബീറ്റ്റൂട്ട്, കാരറ്റ് എന്നിവയടങ്ങിയ ജ്യൂസിനെയാണ് എബിസി ജ്യൂസ്

ദുഃഖവെള്ളി: സംസ്ഥാനത്ത് മദ്യശാലകൾക്ക് നാളെ അവധി

ദുഃഖവെള്ളി: സംസ്ഥാനത്ത് മദ്യശാലകൾക്ക് നാളെ അവധി
ദുഃഖവെള്ളി ആചരണത്തിന് നാളെ കേരളത്തിലെ എല്ലാ മദ്യശാലകൾ, BEVCO, കൺസ്യൂമർഫെഡ് ...

മാതാപിതാക്കളുടെ ഇഷ്ടത്തിനെതിരായി വിവാഹം ചെയ്തവർക്ക് പോലീസ് ...

മാതാപിതാക്കളുടെ ഇഷ്ടത്തിനെതിരായി വിവാഹം ചെയ്തവർക്ക് പോലീസ് സംരക്ഷണം ആവശ്യപ്പെടാനാവില്ല: അലഹബാദ് ഹൈക്കോടതി
ഗുരുതരമായ ഭീഷണികള്‍ ദമ്പതിമാര്‍ നേരിടുന്നില്ലെന്ന് വ്യക്തമാക്കിയ കോടതി ഇരുവരും സമൂഹത്തെ ...

'വിന്‍സിയുടെ കുടുംബവുമായി ചെറുപ്പം മുതലേ ബന്ധമുണ്ട്, ...

'വിന്‍സിയുടെ കുടുംബവുമായി ചെറുപ്പം മുതലേ ബന്ധമുണ്ട്, ഇങ്ങനെയൊരു പരാതി എന്തുകൊണ്ടെന്നറിയില്ല': ഷൈന്‍ ടോം ചാക്കോയുടെ കുടുംബം
വിന്‍സിയുമായും വിന്‍സിയുടെ കുടുംബവുമായും ചെറുപ്പം മുതലേ ബന്ധമുണ്ട്.

ഇഫ്താറിന് മദ്യപാനികളെയും ക്ഷണിച്ചു, വിജയ് മുസ്ലീം വിരുദ്ധൻ: ...

ഇഫ്താറിന് മദ്യപാനികളെയും ക്ഷണിച്ചു, വിജയ് മുസ്ലീം വിരുദ്ധൻ: ഫത്‌വയുമായി മൗലാന റസ്വി
വിജയ് മുസ്ലീം വിരുദ്ധ ചിന്താഗതിയുള്ള ആളാണെന്നും ഇഫ്താര്‍ വിരുന്നില്‍ വിജയ് ...

വിഴിഞ്ഞം അന്താരാഷ്ട്ര തുറമുഖം മെയ് രണ്ടിന് കമ്മീഷന്‍ ...

വിഴിഞ്ഞം അന്താരാഷ്ട്ര തുറമുഖം മെയ് രണ്ടിന് കമ്മീഷന്‍ ചെയ്യും; പ്രധാനമന്ത്രി തുറമുഖം രാജ്യത്തിന് സമര്‍പ്പിക്കും
ലോകത്തിലെ ഏറ്റവും വലിയ ചരക്ക് കപ്പലായ എംഎസ്സി തുര്‍ക്കി കഴിഞ്ഞാഴ്ചയാണ് വിഴിഞ്ഞത്ത് ...