ബോളിവുഡ് നടന്‍ ഹൃതിക് റോഷനെതിരെ നടി കങ്കണ റണാവത് രംഗത്ത്. തന്റെ സ്വകാര്യ ചിത്രങ്ങള്‍ ഹൃതിക് സോഷ്യല്‍ മീഡിയകളിലൂടെയും മറ്റും പ്രചരിപ്പിച്ചുവെന്ന് കാട്ടിയാണ് കങ്കണ മുംബൈ പൊലീസ് കമ്മീഷണര്‍ക്ക് പരാതി നല്‍കിയിരിക്കുന്നത്.

തന്റെ സ്വകാര്യ ചിത്രങ്ങള്‍ പ്രചരിപ്പിച്ച ഹൃതികിനെ അറസ്‌റ്റ് ചെയ്യണമെന്നും നിയമ നടപടികള്‍ സ്വീകരിക്കണമെന്നും കങ്കണ പരാതിയില്‍ വ്യക്തമാക്കുന്നുണ്ട്. അതേസമയം, സംഭവത്തിനെതിരെ ഹൃതിക്ക് രംഗത്തെത്തി. വ്യാജ ഇ- മെയില്‍ ഐഡിയിലൂടെ മറ്റാരോ ആണു ചിത്രങ്ങള്‍ പ്രചരിപ്പിച്ചതെന്നാണ് അദ്ദേഹത്തിന്റെ വിശദീകരണം.