'ഗാന്ധിയെ വധിച്ചതില്‍ ഗോഡ്‌സെക്ക് സല്യൂട്ട് ചെയ്യുന്നു'വെന്ന വിവാദ പ്രസ്താവനയിറക്കിയ മതനേതാവിനെതിരെ കേസ്. മതനേതാവ് കാളിചരണ്‍ മഹാരാജിനെതിരെയാണ് കേസ്. ഛത്തീസ് ഗഡ് പൊലീസാണ് കേസെടുത്തത്. കോണ്‍ഗ്രസ് നേതാക്കള്‍ ഉള്‍പ്പെടെയുള്ള പരിപാടിയില്‍ പങ്കെടുത്തുകൊണ്ട് സംസാരിക്കുകയായിരുന്നു കാളിചരണ്‍. മഹാത്മഗാന്ധിയെ അപമാനിച്ചതിനാണ് കേസ്. വേദിയില്‍ ഉണ്ടായിരുന്ന മുന്‍ മേയറും ഛത്തീസ് ഗഡ് കോണ്‍ഗ്രസ് പ്രസിഡന്റുമായ പ്രമോദ് ദുബെയാണ് പരാതി നല്‍കിയത്.