ഡല്‍ഹി രോഹിണിയിലെ കോടതിക്കുള്ളിലുണ്ടായ വെടിവെപ്പില്‍ നാലുപേര്‍ കൊല്ലപ്പെട്ടു. ഗുണ്ടാത്തലവന്‍ ജിതേന്ദ്ര എന്ന ഗോഗി ഉള്‍പ്പടെയുള്ളവരാണ് കൊല്ലപ്പെട്ടത്.രോഹിണിയിലെ രണ്ടാം നമ്പർ കോടതിയിലാണ് രാജ്യത്തെ നടുക്കിയ സംഭവം ഉണ്ടായത്.

കുപ്രസിദ്ധ ഗുണ്ടാത്തലവനായ ഗോഗിയെ കോടതിയില്‍ ഹാജരാക്കുന്നതിനിടെ അഭിഭാഷക വേഷത്തിലെത്തിയ അ‌ക്രമികൾ വെടിയുതിർക്കുകയായിരുന്നു. ഇവരില്‍ രണ്ടുപേരെ പോലീസ് വധിച്ചതായാണ് വിവരം. ഗുണ്ടാസംഘങ്ങള്‍ തമ്മിലുള്ള കുടിപ്പകയാണ് കോടതിക്കുള്ളിലെ വെടിവെപ്പില്‍ കലാശിച്ചത്.