പൊലീസിനെ ആക്രമിച്ച് രക്ഷപെടാന്‍ ശ്രമിച്ച പ്രതിക്ക് നേരെ വെടിയുതിര്‍ത്ത് വനിത എസ്ഐ. ചെന്നൈയിലെ കൊന്നൂര്‍ ഹൈവേയില്‍ വെച്ചാണ് സംഭവം. ബന്തു സൂര്യയെന്ന ആള്‍ക്കാണ് വെടിയേറ്റത്. വാഹനപരിശോധനയ്ക്കിടെ പൊലീസ് ഉദ്യോഗസ്ഥന്റെ തലയില്‍ ഇരുമ്പ് കമ്പികൊണ്ട് അടിച്ച് രക്ഷപ്പെട്ടു. ഇതേതുടര്‍ന്ന് പ്രതിയെ പിടിക്കാന്‍ അയ്‌നാവരം അസിസ്റ്റന്റ് എസ്ഐ മീനയുടെ നേതൃത്വത്തില്‍ പ്രത്യേക സംഘത്തെ രൂപീകരിച്ചു.

പ്രതി കത്തിയെടുത്ത് പൊലീസുകാരെ വെട്ടിപരിക്കേല്‍പിച്ചപ്പോഴാണ് എസ് ഐ മീന വെടിയുതിര്‍ത്തത്. കാല്‍മുട്ടിലാണ് വെടിവച്ചത്. പ്രതിയേയും പൊലീസുകാരെയും ആശുപത്രിയില്‍ പ്രവേശിപ്പിച്ചു.