പീഡനകേസില്‍ അറസ്റ്റിലായ ഗുര്‍മീത് റാം സിങ്ങിന് ബിജെപി നേതാക്കളില്‍ ഒരുമാസത്തിനിടെ ലഭിച്ചത് 1.12 കോടി. ഹരിയാനയിലെ മുതിര്‍ന്ന ബിജെപി മന്ത്രിമാരായ രാം ബിലാസ് ശര്‍മ്മ, അനില്‍വിജ്, ഗ്രോവര്‍ എന്നീ നേതാക്കളാണ് ഗുര്‍മീത് റാം റഹീം സിങ്ങിന് കോടികള്‍ നല്‍കിയത്.

ഹരിയാനയിലെ വിദ്യാഭ്യാസ മന്ത്രി രാം വിലാസ് ശര്‍മ്മ 51 ലക്ഷത്തിന്റെ ചെക്കാണ് റാം റഹീമിന് അടുത്തിടെ നല്‍കിയതെന്നാണ് പുറത്ത് വരുന്ന റിപ്പോര്‍ട്ട്. കഴിഞ്ഞ ദിവസം ഗുര്‍മീതിന് പിന്തുണ പ്രഖ്യാപിച്ച് ശര്‍മ്മ രംഗത്തെത്തിയിരുന്നു.

പിറന്നാള്‍ സമ്മാനമായാണ് അദ്ദേഹം ഗുര്‍മീതിന് 51ലക്ഷം രൂപ സംഭാവന നല്‍കിയത്. ആഗസ്റ്റ് 15നാണ് അദ്ദേഹം ഈ സമ്മാനം നല്‍കിയത്. അതേസമയം ഹരിയാനയിലെ കായിക മന്ത്രി അനില്‍ വിജയ് ഗുര്‍മീത് റാം റഹീമിന് നല്‍കിയത് 50 ലക്ഷം രൂപയാണ്. ഇക്കാര്യം ചോദ്യം ചെയ്യപ്പെട്ടപ്പോള്‍ പണം തനിക്കിഷ്ടമുള്ളതുപോലെ ചിലവഴിക്കാന്‍ അധികാരമുണ്ടെന്നായിരുന്നു അദ്ദേഹം പ്രതികരിച്ചത്.

അനില്‍ വിജ് പണം നല്‍കി ദിവസങ്ങള്‍ക്കകമാണ് ഹരിയാന മന്ത്രി മനിഷ് ഗ്രോവര്‍ 11 ലക്ഷം നല്‍കിയത്. റാം റഹീമിന്റെ അനുഗ്രഹം തനിക്ക് ലഭിച്ചത് കൊണ്ടാണ് താന്‍ പണം നല്‍കിയതെന്ന് അദ്ദേഹം പറഞ്ഞു.