Widgets Magazine Widgets Magazine

അമിത് ഷായുടെ സന്ദര്‍ശനം; ആദിവാസി കുടുംബത്തിന് എത്തിയത് പുതിയ ശൗചാലയവും ഗ്യാസ് സ്റ്റൗവും

അഹമ്മദാബാദ്, ബുധന്‍, 31 മെയ് 2017 (17:25 IST)

Widgets Magazine

ഗുജറാത്തിലെ ഒരു ആദിവാസി ഭവനത്തില്‍ ബി ജെ പി ദേശീയ അധ്യക്ഷന്‍ അമിത് ഷായുടെ സന്ദര്‍ശനം. അമിത് ഷായുടെ സന്ദര്‍ശനം പ്രമാണിച്ച് ഭവനത്തില്‍ എത്തിയത് പുതിയ പാചക വാതക ഗ്യാസ് സ്റ്റൗവും ശൗചാലയവും. അമിത് ഷായ്ക്ക് ഭക്ഷണം ഒരുക്കുന്നതിനാണ് സ്റ്റൗ കൊണ്ടുവന്നത്. കൂടാതെ അദ്ദേഹത്തിന് എളുപ്പത്തില്‍ പ്രവേശിക്കാന്‍ കഴിയുന്ന വിധം വീടിന് മുന്നില്‍ തന്നെ ശൗചാലയവും പഞ്ചായത്ത് നിര്‍മ്മിച്ചു നല്‍കി.
 
ദേവാലിയ ഗ്രാമത്തില്‍ അമിത് ഷാ ഇന്ന് സന്ദര്‍ശനം നടത്തുമെന്ന് അറിയിച്ചിരുന്നത്. ആദിവാസി ഗ്രാമത്തിലെ കര്‍ഷനായ പൊപത്ഭായ് രാത്‌വയുടെ ഭവനത്തിലാണ് ഷായ്ക്ക് ഭക്ഷണം ഒരുക്കുന്നത്. ബി ജെ പിയുടെ ഒരു പ്രവര്‍ത്തകന്‍ കൂടിയാണ് രാത്‌വ. വിറകടുപ്പില്‍ ഊതി ജീവിതം തീര്‍ന്ന തങ്ങള്‍ക്ക് അമിത് ഷായുടെ വരവോടെ തലവര മാറുമെന്ന പ്രതീക്ഷിച്ച കുടുംബത്തോട് ഗ്യാസ് സ്റ്റൗ താത്ക്കാലികമാണെന്നും അമിത് ഷാ മടങ്ങിയാലുടന്‍ തിരിച്ചുകൊണ്ടുപോകുമെന്ന അറിയിപ്പുമാണ് നല്‍കിയത്.
 
പരമ്പരാഗത ആദിവാസി ഭക്ഷണം അമിത് ഷായ്ക്ക് നല്‍കുന്നതിനുള്ള തയ്യാറെടുപ്പിലാണ് കുടുംബമെന്ന് രാത്‌വയുടെ മകന്‍ പറഞ്ഞു. മെയ്‌സ് പൊടികൊണ്ടുള്ള റൊട്ടിയും വടയും തുവരപ്പരിപ്പ് കൊണ്ടുള്ള ബജിയുമാണ് പ്രധാന വിഭവം. കഴിഞ്ഞ ദിവസം പഞ്ചായത്ത് അധികൃതര്‍ എത്തി പുതിയ ശൗചാലയവും വാഷ്‌ബേസിനും സ്ഥാപിച്ചു. വീട്ടുകാര്‍ക്ക് പിന്‍വശത്ത് ഒരു ശൗചാലയമുണ്ട്. എന്നാല്‍ അതിഥിയ്ക്കു വേണ്ടി പുതിയ ഒരെണ്ണം മുന്‍വശത്ത് തന്നെ നിര്‍മ്മിക്കുകയായിരുന്നു. ബി ജെ പിയില്‍ ചേര്‍ന്ന് പ്രവര്‍ത്തിക്കുന്ന തങ്ങളുടെ വീട്ടില്‍ ആദ്യമായാണ് ഒരു മുതിര്‍ന്ന നേതാവ് എത്തുന്നതെന്നും രാത്‌വയുടെ കുടുംബം പറഞ്ഞു.



Widgets Magazine
ഇതിനെക്കുറിച്ച് കൂടുതല്‍ വായിക്കുക :  

Widgets Magazine
അനുബന്ധ വാര്‍ത്തകള്‍

വാര്‍ത്ത

news

കൊലക്കേസ് പ്രതികളെ വിലങ്ങ് വെച്ചത് വിവാദമായി; പൊലീസുകാർക്കെതിരെ നടപടി

കണ്ണൂരിലെ ആര്‍എസ്എസ് പ്രവര്‍ത്തകനായിരുന്ന കതിരൂര്‍ മനോജ് വധക്കേസിലെ പ്രതികളെ ...

news

ഇങ്ങനെയും ബന്ധുക്കളോ ? ഭ​ർ​ത്താ​വ് മ​രി​ച്ച യു​വ​തിയോട് അവര്‍ ചെയ്തത്...

ഭ​ർ​ത്താ​വ് മ​രി​ച്ചതിനെ തുടര്‍ന്ന് യു​വ​തി​യെ ഭ​ർ​തൃ​വീട്ടുകാര്‍ വേ​ശ്യാ​ല​യ​ത്തി​ൽ ...

news

‘പൊതുകാര്യ ധനസഹായിയും കാരുണ്യ ധര്‍മ്മസ്നേഹിയുമാണ് മുഹമ്മദ് നിഷാം’; ജയില്‍ മോചനം ആവശ്യപ്പെട്ട് ജന്മനാട്ടില്‍ പൊതുയോഗം

സുരക്ഷാ ജീവനക്കാരനായ ചന്ദ്രബോസിനെ വാഹനം ഇടിപ്പിച്ചു കൊലപ്പെടുത്തിയതിന് ശിക്ഷിക്കപ്പെട്ടു ...

news

ജേക്കബ് തോമസ് ഒരു മാസത്തേക്ക് കൂ‍ടി അവധി നീട്ടി; സര്‍ക്കാര്‍ നിര്‍ദേശമനുസരിച്ചെന്ന് സൂചന

സര്‍ക്കാര്‍ നിര്‍ദേശമനുസരിച്ച് അവധിയില്‍ പ്രവേശിച്ച വിജിലന്‍സ് ഡയറക്ടര്‍ ജേക്കബ് തോമസ് ...

Widgets Magazine Widgets Magazine