അനിതയുടെ മരണത്തില്‍ ചെന്നൈയില്‍ പ്രതിഷേധം കത്തുന്നു! മുന്നിട്ടിറങ്ങി എസ് എഫ് ഐയും സിപി‌എമും

ശനി, 2 സെപ്‌റ്റംബര്‍ 2017 (16:03 IST)

Widgets Magazine

മെഡിക്കല്‍ പ്രവേശനം ലഭിക്കാത്തതില്‍ മനം‌നൊന്ത് ചെന്നൈയില്‍ വിദ്യാര്‍ത്ഥിനി ചെയ്ത സംഭവത്തില്‍ പ്രതിഷേധം ശക്തമാകുന്നു. അരിയല്ലൂര്‍ ജില്ലയിലെ കുഴുമുറൈ സ്വദേശി അനിതയാണ് മരിച്ചത്. പ്ലസ് ടുവില്‍ 1200ല്‍ 1176 മാര്‍ക്കോടെയാണ് വിജയിച്ചത്.  
 
മരണത്തില്‍ പ്രതിഷേധിച്ച് അനിതയുടെ ജന്മനാടായ അരിയല്ലൂരില്‍ ഇന്നലെ തന്നെ പ്രതിഷേധം ആരംഭിച്ചിരുന്നു. ചെന്നൈയില്‍ സമരം നടത്താന്‍ വിദ്യാര്‍ഥി സംഘടനകള്‍ അനുമതി തേടിയിരുന്നെങ്കിലും പൊലീസ് അനുവദിച്ചില്ല. എന്നാല്‍, പലയിടങ്ങളിലും അനുമതിയില്ലാതെ വിദ്യാര്‍ത്ഥികള്‍ പ്രതിഷേധം നടത്തി. 
 
അനുമതിയില്ലാതെ പ്രതിഷേധം സംഘടിപ്പിച്ച എസ് എഫ് ഐ സിപി‌എം പ്രവര്‍ത്തകരെ പൊലീസ് അറസ്റ്റ് ചെയ്തു നീക്കി. കോയമ്പത്തൂര്‍ റെയില്‍വേ സ്‌റ്റേഷനിലും യുവാക്കള്‍ പ്രതിഷേധവുമായെത്തി. ഇതിനിടെ, വീട്ടിലെത്തിച്ച അനിതയുടെ ഭൗതികദേഹത്തില്‍ ആയിരങ്ങളാണ് അന്ത്യാഞ്ജലി അര്‍പ്പിക്കാനായി എത്തിയത്.
 
അനിതയുടെ കുടുംബത്തിന് 7 ലക്ഷം രൂപ നല്‍കുമെന്ന് മുഖ്യമന്ത്രി എടപ്പാടി പളനിസാമി അറിയിച്ചു. പ്ലസ് ടു ബോര്‍ഡ് പരീക്ഷയില്‍ 1176 മാര്‍ക്ക് ലഭിച്ചിരുന്നെങ്കിലും നീറ്റ് പരീക്ഷയില്‍ അനിതയ്ക്ക് 700ല്‍ 86 മാര്‍ക്ക് മാത്രമേ ലഭിച്ചിരുന്നുള്ളൂ. സ്‌കൂളില്‍ തന്നെ ഏറ്റവും അധികം മാര്‍ക്ക് ലഭിച്ചിട്ടും മെഡിക്കല്‍ പ്രവേശനം ലഭിക്കാത്തത്തില്‍ മനം നൊന്താണ് അനിത ആത്മഹത്യ ചെയ്തത്.
 
നീറ്റ് പരിഷ്‌കാരത്തില്‍ നിന്നും തമിഴ്നാടിനെ ഒഴിവാക്കാന്‍ തയ്യാറാണെന്ന് കേന്ദ്രം വ്യക്തമാക്കിയിരുന്നുവെങ്കിലും നീറ്റ് യോഗ്യത അടിസ്ഥാനമാക്കി മെഡിക്കല്‍ പ്രവേശനം നടത്തണമെന്ന് ഓഗസ്ത് 22നാണ് സുപ്രീം കോടതി ഉത്തരവിട്ടത്. സെപ്തംബര്‍ നാലിനകം പ്രവേശനം പൂര്‍ത്തീകരിക്കാനും കോടതി നിര്‍ദ്ദേശിച്ചു.
(ചിത്രം: എഎൻഐ, ട്വിറ്റർ)



Widgets Magazine
ഇതിനെക്കുറിച്ച് കൂടുതല്‍ വായിക്കുക :  

Widgets Magazine

വാര്‍ത്ത

news

പുറത്തിറങ്ങാനുള്ള ദിലീപിന്റെ തന്ത്രമാണിത്! കഴിഞ്ഞ തവണ അച്ഛന്റെ ശ്രാദ്ധം ഇല്ലായിരുന്നോ എന്ന് പ്രോസിക്യൂഷന്‍

കൊച്ചിയില്‍ യുവനടിയെ തട്ടിക്കൊണ്ടു പോയി ആക്രമിച്ച കേസില്‍ റിമാന്‍ഡില്‍ കഴിയുന്ന നടന്‍ ...

news

ഒടുവില്‍ ആശ്വാസം; ദിലീപ് പുറത്തേക്ക് - താരത്തിന്റെ ആവശ്യം കോടതി അംഗീകരിച്ചു

പ്രോസിക്യൂഷന്‍ അപേക്ഷയെ എതിര്‍ത്തെങ്കിലും കോടതി താരത്തിന് അനുമതി നല്‍കുകയായിരുന്നു ...

news

‘ബലിപെരുന്നാളിന് വെളുത്ത മൃഗങ്ങളെ അറുക്കരുത്, പശുവാണെന്ന് തെറ്റിദ്ധരിക്കും’; പത്രപ്പരസ്യവുമായി പ്രമുഖ മുസ്ലീം സംഘടന

ബലി പെരുന്നാളിനോടനുബന്ധിച്ച് വെളുത്ത മൃഗങ്ങളെ അറുക്കരുതെന്ന പത്രപ്പരസ്യവുമായി ഒരു മുസ്ലീം ...

news

ബ്ലൂ വെയ്ല്‍ വീണ്ടും തലപൊക്കി; മുറിവേറ്റ നാലു കുട്ടികള്‍ ആശുപത്രിയില്‍

ഗുവാഹത്തി: ആത്മഹത്യാ ഗെയിം എന്ന പേരില്‍ അറിയപ്പെടുന്ന ‘ബ്ലൂ വെയില്‍’ വീണ്ടും ...

Widgets Magazine