എസ് എഫ് ഐയുടെ നേതൃത്വത്തില്‍ നടന്ന ജാഥയെ പരിഹസിച്ച് പോസ്റ്റിട്ട എം എല്‍ എ വിടി ബല്‍‌റാമിനു മറുപടിയുമായി എസ് എഫ് ഐ സംസ്ഥാന സെക്രട്ടറി എം വിജിന്‍. കസവ് സാരിയുടുത്ത് മുത്തുക്കുട പിടിച്ച് പെണ്‍കുട്ടികള്‍ക്ക് നടുവിലൂടെ നടന്നു നീങ്ങുന്ന എസ് എഫ് ഐ നേതാക്കളുടെ ചിത്രം ഫേസ്ബുക്കില്‍ പോസ്റ്റ് ചെയ്താണ് വി ടി ബല്‍‌റാം ഇവരെ പരിഹസിച്ചിരിക്കുന്നത്.

ബൽറാമിന്റെ ഫാസിസ്റ്റ് വിരുദ്ധ പോരാട്ടത്തിലെ ശകുനിത്തരത്തിന് ഇത്തവണ വിഷയമായത് എസ് എഫ് ഐ സംസ്ഥാന തല ജാഥയ്ക്ക് മലപ്പുറത്തെ ഒരു കാമ്പസിൽ നൽകിയ സ്വീകരണത്തിന്റെ ചിത്രമാണ്. മലപ്പുറത്തെ പല കാമ്പസുകളിലേക്കും ജാഥ കടന്നു പോയത് കയറ്റില്ല എന്ന തിട്ടൂരത്തെ വെല്ലുവിളിച്ചും ലംഘിച്ചും തന്നെയാണെന്ന് വിജിന്‍ പറയുന്നു.

എൻ എസ് യു ഐ അഖിലേന്ത്യാ നേതാവിനെ തന്തൂരി അടുപ്പിലിട്ട് ചുട്ടുകൊന്ന യൂത്ത് കോൺഗ്രസ് നേതാവിന്റെയും നിലമ്പൂരിൽ പാർട്ടി ഓഫീസിനകത്തിട്ട് നിങ്ങളുടെ സഹപ്രവർത്തകർ കൊന്ന് തള്ളിയ രാധയുടെയും ചരിത്രവും പറഞ്ഞു കൊടുക്കാം. സാമർഥ്യക്കാരനായ വി ടി ബൽറാം കണ്ണടച്ചാൽ ഇരുട്ട് മൂടുന്നതല്ലല്ലോ ഒരു ചരിത്രവും‘. - വിജിന്റെ പോസ്റ്റില്‍ വ്യക്തമാക്കുന്നു.