വാഗമണിനടുത്ത് വെള്ളിക്കുളത്ത് വാന് കൊക്കയിലേക്ക് മറിഞ്ഞ് നാല് മരണം. ആലപ്പുഴ മുഹമ്മ സ്വദേശികള്‍ ആണ് മരിച്ചത്. ബിനു(20), രതീഷ്(16), മണിക്കുട്ടന്‍(40), സുബിന്‍(31) എന്നിവരാണ് മരിച്ചത്. 17 പേര്‍ക്ക് പരുക്കേറ്റു. ഇവരില്‍ പലരുടെയും നില ഗുരുതരമാണ്‌.
ആലപ്പുഴ മുഹമ്മയില്‍ നിന്നുള്ള പി കെ ആര്‍ വാദ്യസംഘം സഞ്ചരിച്ച വാന് ആണ് അപകടത്തില്‍പ്പെട്ടത്. 22 പേരാണ് വാഹനത്തില്‍ ഉണ്ടായിരുന്നത്. പീരുമേട്ടില്‍ നിന്ന് മുഹമ്മയിലേക്കുള്ള യാത്രാമധ്യേയാണ് അപകടം.
300 അടി താഴ്‌ചയിലേക്കാണ്‌ വാന് മറിഞ്ഞത്‌. വീഴ്ചയുടെ ആഘാതത്തില്‍ വാന് രണ്ടായി പിളര്‍ന്നു എന്ന് ദൃക്‌സാക്ഷികള്‍ പറഞ്ഞു. പരിസരവാസികളുടെ സമയോചിതമായ ഇടപെടല്‍ മൂലമാണ് പരുക്കേറ്റവരെ ഉടന്‍ തന്നെ ആശുപത്രികളിലേക്ക് മാറ്റാനായത്.
