ഒന്നാം മാറാട് കലാപവുമായി ബന്ധപ്പെട്ട കേസുകളുടെ വിചാരണ ഇന്ന് ആരംഭിക്കും. മാറാട് പ്രത്യേക കോടതിയില്‍ ആണ് വിചാരണ. ജഡ്ജി കെ വി ഗോപിക്കുട്ടന് മുന്‍പാകെയാണ്‌ കേസുകളുടെ വിചാരണ നടക്കുക.
2002 ജനുവരിയില്‍ നടന്ന കലാപത്തില്‍ അഞ്ചുപേര്‍ കൊല ചെയ്യപ്പെട്ടിരുന്നു. കലാപവുമായി ബന്ധപ്പെട്ട് മാറാട് തലയ്ക്കലകത്ത്‌ പാത്തുമ്മയുടെ വീട്‌ ആക്രമിക്കുകയും തീവച്ചു നശിപ്പിക്കുകയും ചെയ്തിരുന്നു. ഈ കേസുകളുടെ വിചാരണയാണ് മാറാട് പ്രത്യേക കോടതിയില്‍ ഇന്ന് ആരംഭിക്കുന്നത്.
രണ്ടാം മാറാട് കൂട്ടക്കൊലക്കേസിലെ 62 പ്രതികളുടെ വിചാരണ പൂര്‍ത്തിയാക്കി ജീവപര്യന്തം തടവ് ശിക്ഷ മാറാട് പ്രത്യേക കോടതി ജനുവരി 15ന് വിധിച്ചിരുന്നു. കേസ് അപൂര്‍വത്തില്‍ അപൂര്‍വമല്ലാത്തതിനാലാണ് പ്രതികളെ വധശിക്ഷയില്‍ നിന്ന് ഒഴിവാക്കുന്നതെന്നും ജീവപര്യന്തം തടവു നല്‍കുന്നതെന്നും കോടതി വ്യക്തമാക്കിയിരുന്നു.
