ഇന്ത്യ ഭരിക്കാന്‍ ചാള്സ് രാജകുമാരനോടാവശ്യപ്പെട്ട് യുവാക്കള്‍ പ്ലക്കാര്‍ഡുയര്‍ത്തി കുടുങ്ങി
നെടുമ്പാശേരി|
WEBDUNIA|
Last Modified ചൊവ്വ, 12 നവം‌ബര്‍ 2013 (15:28 IST)
PRO
ഇന്ത്യ സന്ദര്‍ശിക്കുന്നതിന്റെ ഭാഗമായി നെടുമ്പാശേരിയിലെത്തിയ ബ്രിട്ടനിലെ ചാള്സ് രാജകുമാരന്റെ അടുത്തേക്ക്‌ ഇന്ത്യ ഭരിക്കണം എന്നെഴുതിയ പ്ളക്കാര്‍ഡുമായി എത്തിയ മൂന്നു പേര്‍ പൊലീസ്‌ പിടിയിലായതായി റിപ്പോര്‍ട്ട്.
ചാള്‍സിനും സംഘത്തിനും അതീവ സുരക്ഷാ സന്നാഹങ്ങള്‍ ഏര്‍പ്പെടുത്തിയ അവസരത്തിലാണ്‌ മൂന്നു യുവാക്കള്‍ ഇത്തരമൊരു സാഹസത്തിനു മുതിര്‍ന്ന്‌ പൊലീസ്‌ വലയിലായത്‌.
നെടുമ്പാശേരി വിമാനത്താവളത്തില്‍ നിന്ന്‌ കനത്ത സുരക്ഷയോടെ ചാള്സ് സഞ്ചരിച്ച വാഹനം അത്താണിയില്‍ എത്തിയപ്പോഴാണ്‌ പ്ളക്കാര്‍ഡുമായി യുവാക്കള്‍ മുന്നിലെത്തിയത്‌.
വഴിയില്‍ ഡ്യൂട്ടിക്ക് നിന്ന പൊലീസുകാര്‍ കാലടി സ്വദേശികളായ ഇവരെ പിടികൂടി ചോദ്യം ചെയ്തപ്പോള്‍ തമാശയ്ക്ക്‌ പ്ളക്കാര്‍ഡ്‌ എഴുതിക്കാണിച്ചതാണ്‌ എന്നാണ്‌ ഇവര്‍ പറഞ്ഞത്‌. മാവോയിസ്റ്റ് അനുഭാവികള്‍ ആകാനിടയുണ്ടെന്ന സംശയമാണ്‌ ആദ്യം പൊലീസിനുണ്ടായിരുന്നത്.
