അതിരപ്പിള്ളി പദ്ധതി നടപ്പാക്കുന്നതുമായി ബന്ധപ്പെട്ട് വിശദമായ ചര്‍ച്ചകള്‍ നടത്തുമെന്നും പദ്ധതി അടിച്ചേല്‍പ്പിക്കില്ലെന്നും വൈദ്യുത
മന്ത്രി കടകംപള്ളി സുരേന്ദ്രന്‍. ഇതുമായി ബന്ധപ്പെട്ട് പരിസ്ഥിതി പ്രവര്‍ത്തകരുമായും മറ്റും കൂടിയാലോചനകള്‍ നടത്തും എന്നാല്‍ കഴിഞ്ഞ സര്‍ക്കാരിന്റെ കാലത്ത്

വൈദ്യുത പ്രസരണ നഷ്​ടം കുറക്കാനുള്ള കാര്യമായ നടപടിയുണ്ടായില്ലെന്നും കടകംപള്ളി പറഞ്ഞു.

2011 മുതൽ 2016 വരെ 35 സബ്​സ്​റ്റേഷനുകളാണ്​ സംസ്ഥാനത്ത്​ സ്ഥാപിച്ചത്​. ഇത്​ പ്രസരണ രംഗത്തെ കാര്യമായി ബാധിച്ചിട്ടുണ്ട്​. ആവശ്യാനുസരണം പുതിയ സബ്​സ്​റ്റേഷനുകളും ലൈനുകളും സ്ഥാപിക്കാനും കഴിയുന്നില്ല. കൂടംകുളം നിലയത്തിൽ നിന്നുള്ള വൈദ്യുതി എത്തിക്കേണ്ട ഇടമൺ ‌‌- കൊച്ചി ലൈൻ നിർമാണം വർഷങ്ങളായി മുടങ്ങിക്കിടക്കുകയാണ്​. മുൻ മുഖ്യമന്ത്രി ഉമ്മൻചാണ്ടിയുടെ മണ്ഡലമായ ഇവിടെ 18 കിലോമീറ്റർ ദൂരത്തിലാണ്​ കഴിഞ്ഞ അഞ്ചു വർഷമായി നിർമാണം മുടങ്ങിക്കിടക്കുന്നത്​. നിര്‍മ്മാണം സമയബന്ധിതമായി തീര്‍ത്തിരുന്നെങ്കില്‍ വലിയ പ്രസരണ നഷ്ടമില്ലാതെ കൂടംകുളത്തുനിന്ന്​ വൈദ്യുതി എത്തിക്കാൻ കഴിയുമായിരുന്നുവെന്നും കടകം‌പള്ളി പറഞ്ഞു.

ഇത്തരത്തില്‍ മുടങ്ങിക്കിടക്കുന്ന പദ്ധതികള്‍ വേഗത്തില്‍ പൂര്‍ത്തീകരിക്കാനുള്ള നടപടികള്‍ കൈക്കൊള്ളുമെന്നും കാസര്‍കോട് 50 മെഗാവാട്ട് സോളര്‍ പദ്ധതി നടപ്പാക്കുമെന്നും മന്ത്രി പറഞ്ഞു.

ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ് ഇവിടെ ഡൌണ്‍‌ലോഡ് ചെയ്യാം