തിരുവനന്തപുരം: വിഴിഞ്ഞം തുറമുഖത്തിനെതിരെ നടത്തുന്ന സമരത്തിലെ പ്രധാനികളിൽ ഒരാളുടെ ഭാര്യയ്ക്ക് പതിനൊന്നു കോടി രൂപയുടെ വിദേശ ഫണ്ടെന്നു റിപ്പോർട്ട്. ഇവരുടെ പേരിലുള്ള സന്നദ്ധ സംഘടനയുടെ പേരിൽ ഈ തുക ലഭിച്ചു എന്ന പരാതിയെ തുടർന്ന് ഇന്റലിജൻസ് ബ്യുറോ ബന്ധപ്പെട്ട വിവരങ്ങൾ ശേഖരിക്കുകയാണെന്നു സൂചനയുണ്ട്.

ഇതിൽ നാല് കോടി രൂപ 2018-19 സാമ്പത്തിക വർഷത്തിലും 1.35 കോടി 2019-20 സാമ്പത്തിക വർഷത്തിലും ലഭിച്ചു. എന്നാൽ കഴിഞ്ഞ വര്ഷം ലഭിച്ച തുകയുടെ കണക്ക് ഇതുവരെ ആഭ്യന്തര മന്ത്രാലയത്തിന് നൽകിയിട്ടില്ല. തലസ്ഥാന നഗരിയിലെ ചിലരാണ് വിദേശ ഫണ്ട് സംബന്ധിച്ച വിവരങ്ങൾ കൈമാറിയതെന്നാണ് സൂചന. ഇത്തരത്തിൽ പതിനൊന്നു സന്നദ്ധ സംഘടനകൾ നിരീക്ഷണത്തിലാണ്.