ഉത്രയെ പാമ്പിനെ കൊണ്ട് കടിപ്പിച്ച് കൊലപ്പെടുത്തിയ കേസില്‍ ഉത്രയുടെ ഭര്‍ത്താവ് സൂരജിന്റെ പിതാവും അറസ്റ്റിലായി. കാര്യങ്ങള്‍ പിതാവിനും അറിയാമായിരുന്നെന്ന് സൂരജ് മൊഴി നല്‍കിയിരുന്നു. ഇതേ തുടര്‍ന്ന് അന്വേഷണസംഘം സൂരജിന്റെ പിതാവ് സുരേന്ദ്രനെ ചോദ്യം ചെയ്തു. വീടിന്റെ സമീപത്ത് കുഴിച്ചിട്ട ഉത്രയുടെ സ്വര്‍ണങ്ങള്‍ സുരേന്ദ്രനാണ് പൊലീസിന് കാട്ടിക്കൊടുത്തത്.

ബാങ്ക് ലോക്കറില്‍ നിന്നെടുത്ത സ്വര്‍ണം സുരേന്ദ്രനാണ് കുഴിച്ചിട്ടത്. കേസില്‍ ഒരാഴ്ചക്കിടെ രണ്ടാം തവണയാണ് ക്രൈംബ്രാഞ്ച് സംഘം തെളിവെടുപ്പ് നടത്തിയത്. ഫോറന്‍സിക്, റവന്യു സംഘങ്ങളും ക്രൈംബ്രാഞ്ചിനൊപ്പം ഉണ്ടായിരുന്നു.