റീല്‍സ് താരം മീശ വിനീത് വീണ്ടും അറസ്റ്റില്‍. മടവൂര്‍ സ്വദേശിയായ യുവാവിനെ അക്രമിച്ച കേസിലാണ് ഇയാള്‍ അറസ്റ്റിലായത്. ഒക്ടോബര്‍ 16-നായിരുന്നു കേസിനാസ്പദമായ സംഭവം. യുവാവിന്റെ തല അടിച്ചു പൊട്ടിച്ച കേസിലാണ് പള്ളിക്കല്‍ പോലീസ് വിനീതിനെ പിടിച്ചത്.

വിനീത് ഉള്‍പ്പടെ നാലം?ഗ സംഘം ബൈക്കിലെത്തിയാണ് യുവാവിനെ ആക്രമിച്ചത്. കേസിലെ മൂന്നാം പ്രതിയാണ് മീശ വിനീത്. കേസിലെ മറ്റ് മൂന്ന് പ്രതികളെയും ഇതുവരെ പോലീസ് പിടികൂടിയിട്ടില്ല. ഇതിന് മുമ്പ് നിരവധി കേസുകളില്‍ വിനീതിനെ പോലീസ് അറസ്റ്റ് ചെയ്തിട്ടുണ്ട്. റീല്‍സിലെ താരമായ വിനീത് ഇന്‍സ്റ്റഗ്രാം വഴി പരിചയപ്പെട്ട യുവതിയില്‍ നിന്നും സ്വര്‍ണാഭരണങ്ങള്‍ തട്ടിയ ശേഷം ഉപദ്രവിച്ച കേസില്‍ കഴിഞ്ഞ ഓ?ഗസ്റ്റില്‍ വിനീത് അറസ്റ്റിലായിരുന്നു. പെട്രോള്‍ പമ്പ് മാനേജരില്‍ നിന്ന് പട്ടാപ്പകല്‍ രണ്ടരലക്ഷം കവര്‍ന്ന കേസിലും തമ്പാനൂര്‍ സ്റ്റേഷനില്‍ ബലാത്സംഗ കേസിലും പ്രതിയാണ് വിനീത്.