തിരുവനന്തപുരത്ത് പെണ്‍കുട്ടിയെ മുറിയില്‍ മരിച്ച നിലയില്‍ കണ്ടെത്തി. മൃതദേഹം വായില്‍ പ്ലാസ്റ്റര്‍ കൊണ്ട് മൂടിയ നിലയിലും മുക്കില്‍ ക്ലിപ്പിട്ട നിലയിലുമാണ് കണ്ടെത്തിയത്. പ്ലാമൂട് സ്വദേശി സേവ്യറുടെ മകള്‍ സാന്ദ്രയാണ് (20) മരിച്ചത്.

കഴിഞ്ഞ ദിവസങ്ങളില്‍ സാന്ദ്ര മുറിക്കുള്ളില്‍ തന്നെ കഴിച്ചുകൂട്ടുകയായിരുന്നു. വൈകിട്ട് അമ്മ ജോലികഴിഞ്ഞെത്തി വിളിച്ചപ്പോള്‍ വാതില്‍ തുറന്നില്ല. പിന്നീട് ഏഴ് മണിയോടെ വാതില്‍ പുറത്തുനിന്നും തുറന്ന് പരിശോധിച്ചപ്പോഴാണ് സാന്ദ്രയെ മരിച്ച നിലയില്‍ കണ്ടെത്തിയത്. ഈ സമയം സാന്ദ്രയുടെ അച്ഛനും സഹോദരനും വീട്ടിലുണ്ടായിരുന്നു. ആത്മഹത്യയെന്ന് പോലിസിന്റെ പ്രാഥമിക നിഗമനം.