ചാലക്കുടിയില്‍ റെയില്‍വേ ട്രാക്കിലൂടെ നടക്കുന്നതിനിടയില്‍ തോട്ടില്‍ വീണ യുവതികളില്‍ ഒരാള്‍ മരിച്ചു. ദേവി കൃഷ്ണയാണ് മരിച്ചത്. 28 വയസ്സ് ആയിരുന്നു. കൂടെയുണ്ടായിരുന്ന ഫൗസിയ പരിക്കുകളോടെ ആശുപത്രിയില്‍ ചികിത്സയിലാണ്. ചാലക്കുടി വി ആര്‍ പുരത്താണ് സംഭവം നടന്നത്.

റോഡില്‍ വെള്ളമായതിനാല്‍ റെയില്‍വേ ട്രാക്കിലൂടെ നടക്കുന്നതിനിടയാണ് അപകടം ഉണ്ടായത്. ട്രെയിന്‍ വരുന്നത് കണ്ട് ഇരുവരും ട്രക്കില്‍ നിന്ന് മാറിനില്‍ക്കുകയായിരുന്നു. ട്രെയിന്‍ പോകുന്നതിനിടെ ഉണ്ടായ കാറ്റില്‍ ഇവര്‍ തോട്ടിലേക്ക് വീഴുകയായിരുന്നു.