നാഗർകോവിൽ: വീട് കുത്തിത്തുറന്ന് 50 പവന്റെ സ്വർണ്ണാഭരണങ്ങൾ കവർന്ന സംഭവത്തിൽ രണ്ട് പേരെ പോലീസ്‌ അറസ്റ്റ് ചെയ്തു. അറസ്റ്റിലായവരിൽ ഒരാൾ യുവാവും മറ്റേത് യുവതിയുമാണ്.

കന്യാകുമാരി ജില്ലയിലെ മണ്ടയ്ക്കാട് ആൾത്താമസം ഇല്ലാത്ത വീട്ടിലാണ് കഴിഞ്ഞ ജനുവരി 27 നു കവർച്ച നടന്നത്. ബെഥേൽപുറം സ്വദേശി ബബിൻ (27), റെയ് ലിൻ ശർമിലി എന്നിവരാണ് പിടിയിലായത്. മണ്ടയ്ക്കാട് ആഴക്കൻപാറ വസന്തപുരം സ്വദേശിനി ബേബിസുധയുടെ വീട്ടിലായിരുന്നു കവർച്ച നടന്നത്.

വിവാഹിതയായ ശർമിലി ഭർത്താവിനെ ഉപേക്ഷിച്ചു ബബിനൊപ്പം ഒളിച്ചോടിയതായി കഴിഞ്ഞ മാസം പോലീസിൽ പരാതി ലഭിച്ചിരുന്നു. കോയമ്പത്തൂരിൽ നിന്നാണ് ഇരുവരെയും പോലീസ് പിടികൂടിയത്. ഇവരിൽ നിന്ന് 30 പവന്റെ സ്വർണ്ണം പിടിച്ചെടുത്തിട്ടുണ്ട്.