കെ ആര്‍ അനൂപ്|
Last Modified ശനി, 3 ജൂണ്‍ 2023 (11:14 IST)
ദമ്പതികളെ വീട്ടു പറമ്പിലെ പ്ലാവില്‍ തൂങ്ങിമരിച്ച നിലയില്‍ കണ്ടെത്തി.വെണ്ണിപുറത്ത് അശോക് കുമാര്‍ (43), ഭാര്യ അനു രാജ് (33) എന്നിവരെയാണ് ജീവനൊടുക്കിയ നിലയില്‍ കണ്ടെത്തിയത്. വെള്ളിയാഴ്ച രാവിലെ ബന്ധുക്കളാണ് ഇരുവരെയും തൂങ്ങിയ നിലയില്‍ കണ്ടെത്തിയത്.
അശോക് കുമാര്‍ തിരുവനന്തപുരത്തെ വിജിലന്‍സ് ഓഫീസിലെ ടൈപ്പിസ്റ്റ് ആണ്. പോലീസ് ഇന്റലിജന്‍സ് വിങ്ങില്‍ ട്രെയിനിയാണ് അനുരാജ്. ചേമഞ്ചേരിയിലെ വീട്ടില്‍ നാലുമാസത്തോളമായി ആരോഗ്യ പ്രശ്‌നങ്ങളാല്‍ അനുരാജ് കഴിയുകയായിരുന്നു.
മെഡിക്കല്‍ കോളജില്‍ എത്തിച്ച് പോസ്റ്റ്‌മോര്‍ട്ടം നടപടികള്‍ പൂര്‍ത്തിയാക്കിയ ശേഷം പൂക്കാട് വീട്ടുവളപ്പില്‍ സംസ്‌കരിച്ചു.
പരേതനായ വെണ്ണിപുറത്ത് മാധവന്‍ നായരുടെയും ദേവിഅമ്മയുടെയും മകനാണ് അശോക് കുമാര്‍. രാധാകൃഷ്ണന്‍, ശാന്തകുമാരി, രാജു (ഡെപ്യൂട്ടി സെക്രട്ടറി, സെക്രട്ടറിയേറ്റ്) രാജേശ്വരി എന്നിവരാണ് സഹോദരങ്ങള്‍. ഇടുക്കി ചെറുതോണി സ്വദേശിനി സൂസിയുടെ മകളാണ് അനുരാജ്.
