സിആര്‍ രവിചന്ദ്രന്‍|
Last Modified വ്യാഴം, 6 ജൂലൈ 2023 (12:46 IST)
സംസ്ഥാനത്ത് മൂന്ന് ദിവസം കൂടി ശക്തമായ
മഴ തുടരുമെന്ന് മുന്നറിയിപ്പ്. അതേസമയം മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ ഓറഞ്ച് അലേര്‍ട്ട് പ്രഖ്യാപിച്ചു. പത്തനംതിട്ട, ആലപ്പുഴ, കോട്ടയം, എറണാകുളം, തൃശൂര്‍, പാലക്കാട് ജില്ലകളില്‍ യെലോ അലേര്‍ട്ടുമാണ് പ്രഖ്യാപിച്ചിരിക്കുന്നത്.
കനത്ത മഴയെ തുടര്‍ന്ന് വ്യാഴാഴ്ച 11 ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചിരിക്കുകയാണ്. മാഹിയിലെ വിദ്യാഭ്യാസ സ്ഥാപനങ്ങള്‍ക്കും അവധിയാണ്. എംജി സര്‍വകലാശാല ഇന്ന് നടത്താനിരുന്ന എല്ലാ പരീക്ഷകളും മാറ്റിവച്ചു. എന്നാല്‍ മറ്റു സര്‍വകലാശാലാ, പിഎസ്സി പരീക്ഷകള്‍ക്കു മാറ്റമില്ല.
