കൊച്ചി: നടിയെ ആക്രമിച്ച കേസില്‍ നടന്‍ ദിലീപിന്റെ ജാമ്യം റദ്ദാക്കണമെന്ന് ആവശ്യപ്പെട്ട് പ്രോസിക്യൂഷന്‍ കോടതിയില്‍. കേസിലെ പ്രധാന സാക്ഷിയെ സ്വാധീനിക്കാന്‍ അഭിഭാഷകന്‍ മുഖേന ശ്രമിച്ചെന്ന് ചൂണ്ടിക്കാട്ടിയാണ് പ്രോസിക്യൂഷന്‍ ജാമ്യം റദ്ദാക്കണം എന്ന ആവശ്യവുമായി കോടതിയെ സമീപിച്ചിരിയ്ക്കുന്നത്. കേസ് കോടതി ചൊവ്വാഴ്‌ച പരിഗണിക്കും.

ദിലീപിനെതിരായി മൊഴി നല്‍കിയ സിനിമ താരങ്ങൾ അടക്കമുള്ള സാക്ഷികള്‍ കോടതിയില്‍ മൊഴിമാറ്റിയതിന് പിന്നാലെ പ്രധാന സാക്ഷിയും മൊഴി മാറ്റിയിരുന്നു. ദിലീപും കേസിലെ മറ്റൊരു പ്രധാന പ്രതിയായ പള്‍സര്‍ സുനിയും തമ്മില്‍ തൃശൂര്‍ ടെന്നീസ് ക്ലബില്‍ വച്ച്‌
കൂടിക്കാഴ്‌ച നടത്തുന്നത് കണ്ടുവെന്ന് മൊഴി നല്‍കിയ സാക്ഷിയെ സ്വാധീനിക്കാന്‍ ശ്രമിച്ചുവെന്നാണ് പ്രോസിക്യൂഷന്റെ ആരോപണം. കൊവിഡ് പശ്ചാത്തലത്തിൽ കേസിൽ വിചാരണയ്ക്ക് കൂടുതൽ സമയം ആവശ്യപ്പെട്ട് നേരത്തെ വിചാരണ കോടതി സുപ്രീം കോടതിയെ സമീപിച്ചിരുന്നു.