കൊല്ലം|
Last Updated:
ചൊവ്വ, 8 ഡിസംബര് 2015 (11:59 IST)
പ്രധാനമന്ത്രി നരേന്ദ്ര മോഡി ഡിസംബര് പതിനാല്,
പതിനഞ്ച് തിയതി കേരളത്തിലെ വിവിധ പരിപാടികളില്‍ പങ്കെടുക്കും. മുഖ്യപരിപാടിയായി കൊല്ലത്ത് മുന്‍ മുഖ്യമന്ത്രി ആര്‍ ശങ്കറിന്‍റെ പ്രതിമ പതിനഞ്ചിനു ഉച്ചതിരിഞ്ഞ് 02.45 ന് അനാവരണം ചെയ്യും.
പതിനാലിനു കൊച്ചിയിലെത്തുന്ന പ്രധാനമന്ത്രി 15 നു രാവിലെ കൊച്ചിയില്‍ രാവിലെ സേനകളുടെ പരിപാടിയില്‍ പങ്കെടുക്കും. അതിനു ശേഷം ഹെലികോപ്റ്ററില്‍ കൊല്ലത്തെത്തും. ശങ്കറുടെ പ്രതിമ അനാവരണം ചെയ്തശേഷം ശ്രീനാരായണ ഗുരു കോളേജ് ഓഫ് ലീഗല്‍ സ്റ്റഡീസിന്‍റെ പുതിയ കെട്ടിടവും ഉദ്ഘാടനം ചെയ്യും.
അതിനു ശേഷം ഹെലികോപ്റ്ററില്‍ വര്‍ക്കല പാപനാശത്തെത്തുന്ന പ്രധാനമന്ത്രി 4.15 ന് ശിവഗിരി മഹാസമാധിയില്‍ പുഷ്പാര്‍ച്ചന നടത്തും. തുടര്‍ന്ന് തിരുവനന്തപുരം വഴി ഡല്‍ഹിയിലേക്ക് മടങ്ങും.
