പെൺകുട്ടികളുടെ ചി​ത്ര​ങ്ങ​ൾ മൊ​ബൈ​ൽ ഫോണില്‍ പകര്‍ത്തിയ ട്യൂ​ഷ​ൻ സെ​ന്‍റ​ർ അ​ധ്യാ​പ​ക​ൻ അറസ്‌റ്റില്‍. ക​വ​ടി​യാ​ർ ആ​ർ​പി ലൈന്‍ സ്വദേശി അ​രു​ണ്‍​കു​മാറാണ് (45) പിടിയിലായത്.

അരുണിന്റെ സുഹൃത്തായ യുവതിയുടെ പരാതിയെത്തുടര്‍ന്നാണ് ഇയാള്‍ പിടിയിലായത്. അരുണും യുവതിയും തമ്മില്‍ വര്‍ഷങ്ങളായി അടുപ്പത്തിലായിരുന്നു. ഈ ബന്ധം തകര്‍ന്നതോടെ അരുണ്‍ യുവതിയുടെ ചിത്രങ്ങള്‍ പുറത്തുവിട്ടു.

സ്വകാര്യ ചിത്രങ്ങള്‍ പുറത്തുവന്നതോടെ യുവതി മ്യൂ​സി​യം പൊലീസില്‍ പരാതി നല്‍കി. പിടിയിലായ അരുണിന്റെ മൊബൈൽ ഫോൺ പരിശോധിച്ചപ്പോള്‍ പെൺകുട്ടികളുടെ അ​ർ​ധ​ന​ഗ്ന​ചി​ത്ര​ങ്ങ​ള്‍ കണ്ടെത്തുകയായിരുന്നു. ക​ഴി​ഞ്ഞ മൂ​ന്ന് വ​ർ​ഷ​ക്കാ​ല​മാ​യി ഇ​ത്ത​ര​ത്തി​ൽ ചിത്രങ്ങള്‍ പകര്‍ത്തിയിരുന്നതായി പ്രതി സമ്മതിച്ചു.

ട്യൂഷന്‍ സെന്ററില്‍ എത്തിയിരുന്ന കുട്ടികളുടെ ചിത്രങ്ങളാണ് അരുണ്‍ ഫോണ്‍ ക്യാമറയില്‍ പകര്‍ത്തിയത്. ഫോൺ മേശയ്ക്കടിയിൽ വച്ചാണ് അ​ർ​ധ​ന​ഗ്ന​ ചി​ത്ര​ങ്ങ​ൾ ഇയാള്‍ എടുത്തത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ന്‍ഡ് ചെ​യ്തു.