പ്ലസ് വണ്‍ സപ്ലിമെന്ററി അലോട്‌മെന്റിന് ഇന്ന് മുതല്‍ അപേക്ഷ നല്‍കാം. ഇന്ന് രാവിലെ 10 മണി മുതല്‍ ഒക്ടോബര്‍ 28ന് വൈകിട്ട് അഞ്ച് മണിവരെയാണ് അപേക്ഷകള്‍ നല്‍കാനാവുക. മുഖ്യ അലോട്ട്‌മെന്റില്‍ അപേക്ഷിച്ചിട്ടും അലോട്ട്‌മെന്റ് ലഭിക്കാതിരുന്നവര്‍ക്കും ഇതുവരെയും അപേക്ഷ നല്‍കാന്‍ കഴിയാതിരുന്നവര്‍ക്കുമാണ് അവസരമുള്ളത്.

അലോട്ട്‌മെന്റിനായുള്ള വേക്കന്‍സിയും മറ്റു വിശദ നിര്‍ദ്ദേശങ്ങളും പൊതുവിദ്യാഭ്യാസ വകുപ്പിന്റെ //www.admission.dge.kerala.gov.in എന്ന വെബ്‌സൈറ്റിലെ ഹയര്‍സെക്കണ്ടറി അഡ്മിഷന്‍ വിഭാഗത്തില്‍ പ്രസിദ്ധീകരിക്കും. ഓണ്‍ലൈനായി അപേക്ഷകള്‍ സമര്‍പ്പിക്കാവുന്നതാണ്.