മുതിർന്ന സിപിഎം നേതാവും മുൻ മുഖ്യമന്ത്രിയുമായ വിഎസ് അച്യുതാനന്ദനെതിരായ മാനനഷ്ടക്കേസിൽ മുതിർന്ന കോൺഗ്രസ് നേതാവും മുൻ മുഖ്യമന്ത്രിയുമായ ഉമ്മ‌ൻചാണ്ടിക്ക് അനുകൂലവിധി.

വിഎസ് ഉമ്മന്‍ചാണ്ടിക്ക് 10,10,000 രൂപ നഷ്ടപരിഹാരം നല്‍കണമെന്ന് തിരുവനന്തപുരം പ്രിന്‍സിപ്പല്‍ സബ് കോടതി ഉത്തരവിട്ടു.2013 ഓഗസ്തില്‍ ഒരു സ്വകാര്യ ടിവി ചാനലിന് നല്‍കിയ അഭിമുഖത്തി‌ൽ സോളാർ തട്ടിപ്പ് നടത്താൻ ഉമ്മൻ‌ചാണ്ടിയുടെ നേതൃത്വത്തിൽ ഒരു കമ്പനി രൂപീകരിച്ച് അതുവഴി സാമ്പത്തിക തട്ടിപ്പ് നടത്തി എന്ന് വിഎസ് പ്രസ്‌താവന നടത്തിയിരുന്നു. ഇതിനെതിരെ ഉമ്മൻ‌ചാണ്ടി 2014ൽ നൽകിയ ഹർജിയിലാണ് വിധി.