പാലക്കാട്: പാലക്കാട്ടെ കൂട്ടുപാത പൊള്ളാച്ചി കൊല്ലുപാളയം സ്വദേശി ദേവരാജ് എന്ന 25 കാരന്റെ കൊലപാതകത്തിൽ 28 കാരനായ അർദ്ധ സഹോദരൻ മണികണ്ഠനെ പോലീസ് അറസ്റ്റ് ചെയ്തു.

കഴിഞ്ഞ നവംബർ മുപ്പതിന് രാത്രി ഒമ്പതരയോടെയാണ് സംഭവം നടന്നത്. കുടുംബപരമായ തർക്കമാണ് കൊലപാതക കാരണമെന്ന് പാലക്കാട് ടൌൺ സൗത്ത് പോലീസ് വെളിപ്പെടുത്തി. വഴക്കിനിടയിൽ ദേവരാജന്റെ പിതാവിന്റെ രണ്ടാം ഭാര്യയിലുള്ള മകൻ മണികണ്ഠൻ കത്തികൊണ്ട് ദേവരാജന്റെ കഴുത്തിൽ കുത്തുകയായിരുന്നു.

ഉടൻ തന്നെ പ്രതി ഓടിരക്ഷപ്പെട്ടു. കേസന്വേഷിച്ച പോലീസ് പ്രതിയെ ചെന്നൈക്കടുത്തുള്ള വില്ലുപുരത്തു നിന്നാണ് പിടികൂടിയത്. തമിഴ്‌നാട്ടിൽ നിന്ന് ചില്ലറ സാധനങ്ങൾ കൊണ്ടുവന്നു വിൽപ്പന നടത്തുകയായിരുന്നു ഇരുവരും.