പീഡന പരാതിയില്‍ മുകേഷ് എംഎല്‍എ രാജിവയ്ക്കേണ്ടതില്ലെന്ന് വനിതാ കമ്മിഷന്‍ അധ്യക്ഷ പി സതീദേവി പറഞ്ഞു. ഇപ്പോള്‍ ആരോപണം മാത്രമാണ് വന്നിട്ടുള്ളത്. ശിക്ഷിച്ചാല്‍ മാത്രം ജനപ്രതിനിധി രാജി വച്ചാല്‍ മതിയെന്നും ഇത് നിയമസംവിധാനത്തില്‍ പറയുന്നുണ്ടെന്നും അവര്‍ പറഞ്ഞു. ലൈംഗികാരോപണം ഉയര്‍ന്നതിനാല്‍ മാത്രം മുകേഷ് എംഎല്‍എ സ്ഥാനം രാജിവെയ്ക്കേണ്ടതില്ലെന്ന നിലപാടിലാണ് സിപിഎം.

ആലുവ സ്വദേശിനിയായ നടിയാണ് മുകേഷിനെതിരെ പരാതി നല്‍കിയത്. മരട് പോലീസ് രജിസ്റ്റര്‍ ചെയ്ത കേസില്‍ മുകേഷിനെ ചോദ്യം ചെയ്യുകയും പിന്നാലെ അറസ്റ്റുചെയ്ത് ജാമ്യത്തില്‍ വിട്ടയക്കുകയും ചെയ്തിരുന്നു.