മമ്മൂട്ടി വെല്ലു വിളിച്ചു, വെല്ലു വിളി കോളിവുഡും കടന്ന് ബോളിവുഡില്‍ വരെ എത്തിയിരിക്കുകയാണ്. ഐസ് ബക്കറ്റ് ചാലഞ്ചിന് ഒരു മുന്നറിയിപ്പായാണ് മമ്മൂക്കയുടെ ഈ ചലഞ്ച് പേര് '' മൈ ട്രീ ചലഞ്ച് '' അഥവാ എംടിസി. സണ്ണി ലിയോണും, പൂനം പാണ്ഡെയും വെല്ലു വിളിച്ചതു പോലെ തന്നെ വമ്പന്‍ താരങ്ങളെ തന്നെയാണ് മമ്മൂട്ടിയും വെല്ലുവിളിച്ചിരിക്കുന്നത്. മൈ ട്രീ ചാലഞ്ചിലൂടെ ബോളിവുഡ് താരം ഷാരൂഖ് ഖാനെയും തമിഴ് താരങ്ങളായ വിജയ്, സൂര്യ എന്നി മാസ് ഹീറോകളെയുമാണ് കുഞ്ഞു മലയാളത്തിന്റെ വലിയ താരം വെല്ലുവിളിച്ചത്.

മമ്മൂക്കയുടെ ചലഞ്ചില്‍ ഐസ് ബക്കറ്റ് ചാലഞ്ചിലെ രീതിയൊന്നുമല്ല. നമുക്ക് തണലേകാന്‍ മരം നടാനാണ് മമ്മൂട്ടി താരങ്ങളെ ക്ഷണിച്ചിരിക്കുന്നത്. മരം നടുന്ന ചിത്രം മമ്മൂട്ടി തന്റെ ഫേസ്ബുക്ക് പേജിലൂടെ പുറത്തുവിട്ടിട്ടുണ്ട്. മൈ ട്രീ ചാലഞ്ചില്‍ പങ്കെടുക്കുന്നവര്‍ക്കായി പ്രത്യേക ഫേസ്ബുക്ക് പേജ് ക്രിയേറ്റ് ചെയ്തതായും മമ്മൂട്ടി പറഞ്ഞു. ചലഞ്ചില്‍ പങ്കെടുക്കുന്നവര്‍ക്ക് അതില്‍ ചിത്രങ്ങള്‍ അപ്‌ലോഡ് ചെയ്യാമെന്നും മമ്മൂട്ടി പറഞ്ഞു.

രൂഖ് ഖാനെയും തമിഴ് താരങ്ങളായ വിജയ്, സൂര്യ എന്നിവരെ കൂടാതെ സിനിമാ ലോകത്തും പുറത്തുമുള്ള സുഹൃത്തുക്കളേയും ആരാധകരെയും ജനങ്ങളേയുമെല്ലാം മൈ ട്രീ ചാലഞ്ചില്‍ പങ്കുചേരാന്‍ തന്റെ ഫേസ്ബുക്ക് പേജില്‍ മ്മൂട്ടി ആഹ്വാനം ചെയ്തിരിക്കുകയാണ്. ആരോഗ്യകരമായ പ്രകൃതിക്ക് മരങ്ങള്‍ അത്യാവശ്യമാണെന്നും. എല്ലാവരും ഇതിനായി മുന്നോട്ട് വരണമെന്നും മമ്മൂട്ടി ഫേസ്ബുക്കിലൂടെ ആവശ്യപ്പെടുന്നു.



മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ ക്ലിക്ക് ചെയ്യുക. ഫേസ്ബുക്കിലും ട്വിറ്ററിലും പിന്തുടരുക.