കൊട്ടാരക്കര|
Sajith|
Last Modified തിങ്കള്‍, 7 മാര്‍ച്ച് 2016 (10:37 IST)
കഞ്ചാവ് കടത്തുമായി ബന്ധപ്പെട്ട് വിദ്യാര്‍ത്ഥികള്‍ ഉള്‍പ്പെടെ അഞ്ച് പേരെ പൊലീസ് അറസ്റ്റ് ചെയ്തു. പവിത്രേശ്വരം പൊരീക്കല്‍ ഇടവട്ടം അനില്‍ ഭവനില്‍ അജയ കുമാര്‍ (19), കിഴക്കേ നെടിയവിള പുത്തന്‍ വീട്ടില്‍ വിഷ്ണു (19), ചരുവിള വീട്ടില്‍ അമല്‍ (19), ഗോകുലത്തില്‍ രാഹുല്‍ നാഥ് (21), നെടുവത്തൂര്‍ താമരശേരി മനക്കരയില്‍ രാഹുല്‍ (21) എന്നിവരാണു പിടിയിലായത്.
കാറില്‍ കഞ്ചാവ് കടത്തവേയാണു ഇവരെ
കൊട്ടാരക്കര ആന്‍റി നര്‍ക്കോട്ടിക്സ് ടീം നോഡല്‍ ഓഫീസര്‍ കൂടിയായ ഡി വൈ എസ് പി ജോണ്‍ കുട്ടിയും കൊട്ടാരക്കര ഡി വൈ എ പി അശോകനും സംഘവും അറസ്റ്റ് ചെയ്തത്.
തമിഴ്നാട്ടില്‍ ബി ബി എ ക്ക് പഠിക്കുന്നവരും കോഴ്സ് കഴിഞ്ഞവരും സംഘത്തിലുണ്ട്. വാടകയ്ക്കെടുത്ത കാറില്‍ രഹസ്യ അറകള്‍ ഉണ്ടാക്കിയായിരുന്നു കഞ്ചാവ് കടത്തിയത്.
