ഗുണ്ടാ മാഫിയാ സംഘങ്ങള്‍ക്കെതിരെയുള്ള പൊലീസ് നടപടികളുടെ ഭാഗമായി കഴിഞ്ഞ ദിവസം സംസ്ഥാന വ്യാപകമായി നടത്തിയ റെയ്ഡില്‍ 122 പേര്‍ അറസ്റ്റിലായി. തിരുവനന്തപുരം റേഞ്ചില്‍ നാല്‍പ്പതു പേരും കൊച്ചി റേഞ്ചില്‍ നാല്‍പ്പത്തൊന്‍പതു പേരും തൃശൂര്‍ റേഞ്ചില്‍ പത്ത് പേരും കണ്ണൂര്‍ റേഞ്ചില്‍ ഇരുപത്തിമൂന്ന് പേരുമാണ് അറസ്റ്റിലായത്.

ജില്ല തിരിച്ചുള്ള കണക്കുകള്‍ അനുസരിച്ച് തിരുവനന്തപുരം റൂറല്‍ 38, കൊല്ലം റൂറല്‍ 2, കൊച്ചി സിറ്റി 14, റൂറല്‍ 4, ആലപ്പുഴ 31, തൃശൂര്‍ സിറ്റി 5 എന്നിങ്ങനെയാണ്.

ഇതിനൊപ്പം പാലക്കാട് 2, കോഴിക്കോട് സിറ്റി 4, കോഴിക്കോട് റൂറല്‍ 4, മലപ്പുറം 3, കണ്ണൂര്‍ 3, വയനാട് 9, കാസര്‍കോട് 3 എന്നീ നിലകളിലുമാണ് പിടിയിലായവരുടെ എണ്ണം. വരും ദിവസങ്ങളിലും ഇത്തരം റെയ്ഡുകള്‍ തുടരുമെന്ന് പൊലീസ് മേധാവി അറിയിച്ചു.