വീട്ടുകാര്‍ മറ്റൊരു യുവാവുമായി വിവാഹം നിശ്ചയിച്ചതിനെ തുടര്‍ന്ന് കാമുകിയെ ക്വട്ടേഷന്‍ സംഘങ്ങളുമായി ചേര്‍ന്ന് കാമുകന്‍ തട്ടിക്കൊണ്ടുപോയി. സംഭവത്തില്‍ മുന്‍ കാമുകനടക്കം 6 പേരെ കാസര്‍ഗോഡ് പൊലീസ് അറസ്റ്റുചെയ്തു.

അബ്ദുള്‍ ഹക്കീം, മുജീബ് റഹ്മാന്‍, സലീം ഫാറൂഖ്, കെ അഷ്‌റഫ്, മുഹമ്മദ് ഹുസൈന്‍ , മുസാരി ലാഹ് എന്നിവരെയാണ് പോലീസ് അറസ്റ്റുചെയ്തത്. പ്രതികളെ കോടതി റിമാന്‍ഡു ചെയ്തിരിക്കുകയാണ്. കഴിഞ്ഞ 16 നാണ് വീട്ടില്‍ നിന്നും ഉമ്മയെയും സഹോദരിയെയും ആക്രമിച്ച് യുവതിയെ കാറില്‍ തട്ടിക്കൊണ്ടുപോയത്.

ഇതില്‍ പിടിയിലായവരില്‍ അബ്ദുള്‍ ഹക്കീമും യുവതിയും തമ്മില്‍ പ്രണയത്തിലായിരുന്നുവെന്ന് പോലീസ് പറഞ്ഞു. വീട്ടുകാര്‍ മറ്റൊരു യുവാവുമായി വിവാഹം നിശ്ചയിച്ചിരുന്നുവെങ്കിലും ഇതില്‍ നിന്നും പിന്മാറാന്‍ ഹക്കീം വീട്ടുകാരെ നിരന്തരം ഫോണ്‍ വിളിച്ച് ഭീഷണിപ്പെടുത്തിയിരുന്നുവെന്നും പോലീസ് പറഞ്ഞു.