കെ എം മാണി സീനിയര്‍ നേതാവും സഹപ്രവര്‍ത്തകനുമാണെന്ന് രമേഷ് ചെന്നിത്തല. കേരള കോണ്‍ഗ്രസ് ഉന്നയിക്കുന്ന പ്രശ്നങ്ങള്‍ ചര്‍ച്ച ചെയ്തു പരിഹരിക്കുമെന്നും അദ്ദേഹം വ്യക്തമാക്കി. ചരല്‍കുന്ന് ക്യാമ്പില്‍ രാഷ്ട്രീയ തീരുമാനങ്ങളുണ്ടാകുമെന്ന് കേരള കോണ്‍ഗ്രസ് (എം) ചെയര്‍മാന്‍ കെഎം മാണി വ്യക്തമാക്കിയ സാഹചര്യത്തില്‍ ചെന്നിത്തല മാണിയെ ഫോണില്‍ വിളിച്ചുവെങ്കിലും അദ്ദേഹം സംസാരിക്കാന്‍ താല്‍പ്പര്യം കാണിച്ചില്ല.

കുറച്ചു കഴിഞ്ഞ് തിരിച്ചു വിളിക്കാമെന്ന് ചെന്നിത്തലയെ അറിയിച്ചുവെങ്കിലും മണിക്കൂറുകള്‍ കഴിഞ്ഞിട്ടും പ്രതിപക്ഷ നേതാവുമായി ഫോണില്‍ ബന്ധപ്പെടാന്‍ മാണി തയാറായില്ല. ഇതിനെത്തുടര്‍ന്ന് പ്രതിപക്ഷ ഉപനേതാവ് പികെ കുഞ്ഞാലിക്കുട്ടിയെ മധ്യസ്ഥനാക്കി പ്രശ്‌നങ്ങള്‍ പരിഹരിക്കാനുള്ള നീക്കത്തിലാണ് ചെന്നിത്തല.

മുന്നണി മാറാനുള്ള തീരുമാനം ഉയര്‍ന്നുവന്നുവെങ്കിലും അതിനുള്ള സാഹചര്യം ഇപ്പോഴില്ല. അതിനാല്‍ നിയമസഭയിൽ പ്രത്യേക ബ്ലോക്ക് എന്ന ആവശ്യം കേരളാ കോൺഗ്രസിൽ ശക്തമാവുകയാണ്. ഇതു സംബന്ധിച്ചുള്ള അന്തിമ തീരുമാനം ചരൽക്കുന്ന് ക്യാംപിൽ കൈക്കൊള്ളും.

ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ് ഇവിടെ ഡൌണ്‍‌ലോഡ് ചെയ്യാം