സംസ്ഥാനത്ത് പകര്‍ച്ചവ്യാധികള്‍ വേഗത്തില്‍ വ്യാപിക്കുന്നു. ഒരാഴ്ചക്കുള്ളില്‍ സംസ്ഥാനത്ത് പനി ബാധിച്ചത് 69222 പേര്‍ക്കാണ്. ഇതില്‍ 413 പേര്‍ക്ക് ഡെങ്കിപ്പനിയും 30 പേര്‍ക്ക് എലിപ്പനിയും ബാധിച്ചിട്ടുണ്ട്. 9 പേര്‍ക്ക് മലേറിയയും വന്നു. അതേസമയം മലപ്പുറത്ത് പനിബാധിച്ച് വിദ്യാര്‍ത്ഥി മരിച്ചു.

കുറ്റിപ്പുറം സ്വദേശി ദാസന്റെ മകന്‍ ഗോകുലാണ് മരിച്ചത്. 13 വയസായിരുന്നു. കുട്ടിയെ ഇന്നലെയാണ് ആശുപത്രിയില്‍ പ്രവേശിപ്പിച്ചത്. കുട്ടിക്ക് എന്ത് പനിയാണ് വന്നതെന്ന് സ്ഥിരീകരിച്ചിട്ടില്ല.