പ്രണയ വിവാഹത്തിനൊരുങ്ങിയ മകളെ അച്ഛന്‍ കുത്തിക്കൊന്നു. മ​ല​പ്പു​റം പ​ത്ത​നാ​പു​രം സ്വ​ദേ​ശി​നി ആ​തി​ര​യാണ് കൊല്ലപ്പെട്ടത്. പെണ്‍കുട്ടിയുടെ പിതാവ് പൂ​വ​ത്തി​ക്ക​ണ്ടി ചാ​ല​ത്തി​ങ്ങ​ൽ രാ​ജ​നെ പൊലീസ് കസ്‌റ്റ്ഡിയിലെടുത്തു.

ആതിര ഒരു യുവാവുമായി പ്രണയബന്ധത്തിലായിരുന്നു. വീട്ടുകാരുടെ എതിര്‍പ്പുകള്‍ അവഗണിച്ച് ഇരുവരും വെ​ള്ളി​യാ​ഴ്ച വി​വാ​ഹി​ത​രാ​വാ​ൻ തീരുമാനിച്ചിരുന്നു. ഇതിനുള്ള ഒരുക്കങ്ങളും നടത്തിയിരുന്നു.

വിവാഹം സംബന്ധിച്ച് രാജനും ആതിരയും തമ്മില്‍ ഇന്ന് തര്‍ക്കമുണ്ടാകുകയും തുടര്‍ന്ന് ഇയാള്‍ മകളെ കത്തി ഉപയോഗിച്ച് കുത്തുകയുമായിരുന്നുവെന്ന് പൊലീസ് വ്യക്തമാക്കി.

പെണ്‍കുട്ടിയെ ആശുപത്രിയില്‍ എത്തിച്ചെങ്കിലും രക്ഷിക്കാന്‍ സാധിച്ചില്ല. അറസ്‌റ്റിലായ രാജനെ പൊലീസ് സംഘം ചോദ്യം ചെയ്‌തുവരുകയാണ്.