aparna|
Last Updated:
ചൊവ്വ, 3 ഒക്‌ടോബര്‍ 2017 (13:59 IST)
കൊച്ചിയില്‍ യുവനടിയെ ആക്രമിച്ച കേസിലെ ഗൂഢാലോചനയുമായി ബന്ധപ്പെട്ട് റിമാന്‍ഡില്‍ കഴിയുന്ന നടന്‍ ദിലീപിനു ജാമ്യം. ഹൈക്കോടതി ജസ്റ്റിസ് സുനില്‍ തോമസിന്റെ ബെഞ്ചിന്റേതാണ് വിധി. കഴിഞ്ഞ രണ്ട് തവണയും ദിലീപിന്റെ ജാമ്യം നിഷേധിച്ച ബഞ്ച് തന്നെയാണ് ഇത്തവണ ദിലീപിനു ജാമ്യം നല്‍കിയിരിക്കുന്നതെന്നതും ശ്രദ്ദേയമാണ്.
വാദവും പ്രതിവാദവും കഴിഞ്ഞ ആഴ്ച പൂര്‍ത്തിയായിരുന്നു. ദിലീപ് ജയിലിലായിട്ട് ഈ മാസം എട്ടിന് 90 ദിവസം പൂര്‍ത്തിയാകും. അതേസമയം, കേസില്‍ നിര്‍ണായക തെളിവായ മൊബൈല്‍ ഫോണും മെമ്മറി കാര്‍ഡും കണ്ടെത്താന്‍ പ്രോസിക്യൂഷനു കഴിഞ്ഞിട്ടില്ലെന്നാണ് അറിയുന്നത്.
തന്റെ പാസ്പോര്‍ട്ട് സറണ്ടര്‍ ചെയ്യണമെങ്കില്‍ അതും ചെയ്യാമെന്നും കോടതി പറയുന്ന ഒരു കാര്യവും പാലിക്കാതിരിക്കില്ലെന്നും ദിലീപ് കോടതിയെ വ്യക്തമാക്കി. സാക്ഷികളെ സ്വാധീനിക്കില്ലെന്നും അവസാനം നല്‍കിയ ജാമ്യാപേക്ഷയില്‍ ദിലീപ് വ്യക്തമാക്കുന്നു. ഏതായാലും കാത്തിരുപ്പുകള്‍ക്കൊടുവില്‍ ദിലീപ് പുറത്തേക്കിറങ്ങുകയാണ്. ദിലീപിന്റെ ജയില്‍ മോചനത്തിനു ആവേശപൂര്‍വ്വം ഒരുക്കങ്ങള്‍ പൂര്‍ത്തിയായിരിക്കുകയാണ് ഫാന്‍സ് അസോസിയേഷനുകള്‍.
