കൊച്ചിയില്‍ യുവനടിയെ തട്ടിക്കൊണ്ടു പോയി ഉപദ്രവിച്ച കേസില്‍ അറസ്‌റ്റിലായി ജയിലില്‍ കഴിയുന്ന നടന്‍ ദിലീപിനെ കാണാന്‍ ആലുവ സബ് ജയിലിലേക്ക് ഇന്നും സിനിമാലോകത്തു നിന്നുള്ള പ്രമുഖര്‍ എത്തി.

ന​ട​ൻ​മാ​രാ​യ വി​ജ​യ​രാ​ഘ​വ​ൻ, ന​ന്ദു, നി​ർ​മാ​താ​ക്ക​ളാ​യ ര​ഞ്ജി​ത് ര​ജ​പു​ത്ര, എ​വ​ർ​ഷൈ​ൻ മ​ണി എ​ന്നി​വ​ർ ദി​ലീ​പി​നെ കാ​ണാ​ൻ ജ​യി​ലി​ലെ​ത്തി. ദി​ലീ​പ് അ​ടു​ത്ത സു​ഹൃ​ത്താ​യ​തി​നാ​ലാ​ണ് കാ​ണാ​ൻ പോ​യ​തെ​ന്നും ആ​ക്ര​മ​ണ​ത്തി​നി​ര​യാ​യ ന​ടി​യെ കാ​ണാ​ൻ താ​ൻ പോ​യി​ട്ടു​ണ്ടെ​ന്നും ര​ജ​പു​ത്ര ര​ഞ്ജി​ത് പ്ര​തി​ക​രി​ച്ചു.

സിനിമാ മേഖലയിൽ ഉള്ളവർ ദിലീപിന് പിന്തുണ പ്രഖ്യാപിക്കണമെന്ന് ആവശ്യപ്പെട്ട് നടനും എംഎൽഎയുമായ കെബി ഗണേഷ്കുമാർ കഴിഞ്ഞ ദിവസം രംഗത്തെത്തിയിരുന്നു.

ഗണേഷ്കുമാറിനു പുറമെ നടൻമാരായ ജയറാം, ഹരിശ്രീ അശോകൻ, സുരേഷ് കൃഷ്ണ, കലാഭവൻ ഷാജോൺ, സുധീർ, സംവിധായകരായ രഞ്ജിത്, നാദിർഷാ, നിർമാതാക്കളായ ആന്റണി പെരുമ്പാവൂർ, അരുൺ ഘോഷ്, ബിജോയ് ചന്ദ്രൻ തിരക്കഥാകൃത്ത് ബെന്നി പിനായരമ്പലം, ഏലൂർ ജോർജ് തുടങ്ങിയവര്‍ കഴിഞ്ഞ ദിവസങ്ങളിൽ ജയിലിലെത്തി ദിലീപിനെ സന്ദർശിച്ചിരുന്നു.

അ​ച്ഛ​ൻ​റെ ശ്രാ​ദ്ധ ച​ട​ങ്ങി​ൽ പ​ങ്കെ​ടു​ക്കാ​ൻ ദി​ലീ​പി​ന് കോ​ട​തി അ​നു​മ​തി കൊ​ടു​ത്ത​തി​നു പി​ന്നാ​ലെ നാ​ദി​ർ​ഷ​യാ​ണ് ആ​ദ്യം ആ​ലു​വ സ​ബ് ജ​യി​ലി​ലെ​ത്തി​യ​ത്. ഇ​തി​നു പി​ന്നാ​ലെ ഭാ​ര്യ കാ​വ്യാ മാ​ധ​വ​ൻ, മ​ക​ൾ മീ​നാ​ക്ഷി, കാ​വ്യ​യു​ടെ അ​ച്ഛ​ൻ എ​ന്നി​വ​ർ ഒ​രു​മി​ച്ചെ​ത്തി ദി​ലീ​പി​നെ ക​ണ്ടിരുന്നു.